मकवानपुरको भिमफेदीमा १५६ जना कांग्रेसमा प्रवेश

८  मंसिर,हेटौँडा । मकवानपुरको भीमफेदी गाउँपालिका २ याङराङमा नेकपा राप्रपा लगायत विभिन्न पार्टी परित्याग गरी १ सय ९५ जना नेपाली कांग्रेसमा प्रवेश गरेका छन् ।

नेपाली कांग्रेस आदिवासी जनजाति विभाग भीमफेदी गाउँपालिकाद्वारा हिजो  आईतबार याङराङमा गरेको आदिवासी जनजाति सभा तथा पार्टी प्रवेश कार्यक्रममा नेकपा, राप्रपालगायतको पार्टी परित्याग गरी १ सय ९५ जना नेपाली कांग्रेसमा प्रवेश गरेका हुन् ।

आदिवासी जनजाति विभाग भीमफेदी गाउँपालिका संयोजक गोपीराम बलको सभाध्यक्षता, नेपाली कांग्रेसकी केन्द्रीय सदस्य महालक्ष्मी उपाध्याय डिनाको प्रमूख आतिथ्यता तथा कांग्रेस बागमती प्रदेश संसदीय दलका नेता एवं मकवानपुर पार्टी सभापति ईन्द्रबहादुर बानियाँको विशिष्ठ आतिथ्यतामा पार्टी प्रवेश कार्यक्रम भएको हो ।

कार्यक्रममा बोल्दै प्रमूख अतिथि डिनाले कम्युनिष्ट सरकार जनताको विकास निर्माणका आकांक्षामा खरोरुपमा उत्रन नसकेको बताउँदै ५ वर्षसम्म आनन्दले जनताको सेवा र विकासनिर्माणमा लाग्न जनताले दुई तिहाई नजिकको सरकार बनाउन सहयोग गर्दापनि सत्ता लिप्सा, महामारीमा पनि चरम भ्रष्टचार र आन्तरिक किचलोमै फसिरहेको बताइन ।

'कम्युनिष्ट सरकारले जस्तो छलकपटको राजनीतिक गरेर जनतालाई झुक्याएर भ्रष्टचारमा लिप्त भई नेताहरुले आफ्नो दुनो सोझ्याउने काम कांग्रेसले कहिल्यै गरेन, जनताको बीचमा गएर कांग्रेसले भण्डाफोर अभियान संचालन गर्नुपर्छ'- डिनाले भनिन्।  

कार्यक्रमका  विशिष्ठ अतिथि कांग्रेस बागमती प्रदेश संसदीय दलका नेता एवं मकवानपुर सभिापति बानियाँले नवप्रवेशीलाई स्वागत गर्दै जनतालाई विभिन्न आश देखाएर भोेट मागेर चुनाव जितेर सत्तामा गएपनि आफैं भ्रष्टाचार र कमाउ धन्दामा लिप्त भएको बताएका छन् ।

'गरिवको कुरा गर्दै विभिन्न सपना बाँडेर सत्तामा पुगेपनि कम्युनिष्ट सरकारले भ्रष्टचारी र तस्करीको मात्रै काम गर्यो, महामारीको यो विकराल समयमा पनि चरम भ्रष्टचार र आन्तरिक किचलोमा कम्युनिष्ट सरकार फसिरहेकेको छ'- बानियाँले भने।   ।

कार्यक्रममा कांग्रेस नेताहरुको विशेष सहयोगमा निर्मित भीमफेदी गाउँपालिका ९ सोलाभञ्ज्याङबाट भीमफेदी २ याङराङसम्मको साँढे २ किलोमिटर मोटरबाटोको उद्घाटन् गरिएको थियो । कांग्रेस बागमती प्रदेश संसदीय दलका नेता बानियाँ, हेटौंडा उपमहानगर सभापति आनन्दराम पराजुली र स्थानीय नेता गोपीराम बलद्वारा ३ लाख ८० हजार बराबरको सहयोगमा उक्त मोटर बाटो निर्माण गरिएको हो ।

कार्यक्रममा कांग्रेस मकवानपुरका उपसभापति विष्णुप्रसाद लामिछाने, सल्लाहकार भरत पराजुली, जिल्ला सदस्य एवं आदिवासी जनजाति विभाग मकवानपुरका संयोजक भीमबहादुर भोम्जन, प्रतिनिधिसभा २ को ख का क्षेत्रीय सभापति लोक मुक्तान, हेटौंडा उपमहानगर सभापति आनन्दराम पराजुली, भीमफेदी गाउँपालिका सभापति सञ्जिव श्रेष्ठ, महाधिबेशन प्रतिनिधि मोमलाल दोङ, क्षेत्रीय सदसय गोरीमाया लामा, भीमफेदी गाउँपालिका सल्लाहकार नारायण थापा, निर्मला बल, भूमिका स्याङतान लगायतले मन्तव्य व्यक्त गरेका थिए।