विश्वभर कोरोना संक्रमितको संख्या ६ कारोड लाख नाघ्यो

१० मंसिर, हेटौंडा । विश्वभर महामारीको रुपमा फैलिएको कोरोना भाइरस अर्थात कोभिड–१९ बाट संक्रमित हुनेको संख्या ६ करोड नाघेको छ । 
अहिलेसम्म विश्वका ६ करोड ८६ हजार ८ सय ३१ जना मानिसमा कोरोनाको संक्रमण पुष्टि भएको वर्ल्डोमिटरले जनाएको छ ।
वितेको २४ घण्टामा विश्वभर ५ लाख ४१ हजार ६ सय १८ जना नयाँ संक्रमित थपिएका छन् । कुल संक्रमितको संख्या मध्ये ४ करोड १५ लाख ४१ हजार ६ सय ६ जना मानिसहरु निको भएर घर फर्किएका छन् ।
यसैगरी १ करोड ७१ लाख ३१ हजार भन्दा धैरैजनामा संक्रमण सक्रिय रहाँदा १ लाख ३ हजार भन्दा धेरै मानिसहरु गम्भिर अवस्थामा उपचार गराई रहेका छन् । 
अहिलेसम्म सबैभन्दा धेरै अमेरिकामा १ करोड २९ लाख ५४ हजार भन्दा धेरैमा कोरोना भाइरसको संक्रमण पुष्टि भएको छ । यहाँ एकैदिन १ लाख ७४ हजार ७ सय ११ जना नयाँ संक्रमित थपिएका छन् ।
यस्तै दोस्रो धेरै प्रभावित देश भारतमा ९२ लाख २१ हजार भन्दा धेरैमा संक्रमण पुष्टि हुँदा पछिल्लो २४ घण्टामा ४४ हजार २ सय ७६ जना नयाँ संक्रमित थपिएका छन् ।
यसैगरी तेस्रो धेरै प्रभावित रहेको ब्राजिलमा ६१ लाख २१ हजारभन्दा धेरैमा संक्रमण पुष्टि हुँदा पछिल्लो २४ घण्टामा मात्रै यहाँ ३३ हजार ४ सय ४६ जना नयाँ संक्रमित थपिएका छन् ।