बागमती प्रदेशको सभाहल निर्माण कार्यको शिलान्यास

१० मंसिर,हेटौँडा।  बागमती प्रदेश प्रदेशसभाको सभाहल निर्माण कार्यको शिलान्यस गरिएको छ। हेटौँडा-१० मा रहेको बागमती प्रदेश प्रदेशसभा सचिवालयको हाता भित्र निर्माण हुने सभाहलको बागमती प्रदेशका सभामुख सानु कुमार श्रेष्ठले बुधबार बिहान शिलान्यास गरेका हुन। 

सभाहल बागमती प्रदेश  भौतिक पूर्वाधार विकास मन्त्रालय  शहरी विकास तथा भवन कार्यालय मकवानपुरको लगानीमा करिब ४ करोट ३७ लाख २४ हजार ७ सय ८६ रुपौयाँ लागतमा निर्माण सम्पन्न हुने जनाइएको छ।  

सभाहलमा शिलान्यास कार्यक्रममा भौतिक पूर्वाधार विकास मन्त्री रामेश्वर फुयाँल,आर्थिक मामिला तथा योजनामन्त्री कैलाशप्रसाद ढुङ्गेल,सामाजिक विकास मन्त्री युवराज दुलाल, उप-सभामुख राधिका तामाङ,कांग्रेस बागमती प्रदेश संसदीय दलका नेता इन्द्र बहादुर बानियाँ, हेटौँडा उपमहानगरपालिकाका प्रमुख हरी बहादुर महत,उप-प्रमुख मिना कुमारी लामा,मुख्यमन्त्री तथा मन्त्रिपरिषद् कार्यालयका मुख्यसचिव मान बहादुर  बि के, मकवानपुरका प्रहरी जिल्ला अधिकारी गणेश प्रसाद रेग्मी,बागमती प्रदेश प्रहरी कार्यालयका प्रहरी प्रमुख डिआइजी बसन्त कुमार लामा,मकवानपुर प्रहरी प्रमुख एसपी सुशील सिंह राठौर लगायत प्रदेश सभाका कर्मचारीको उपस्थिति रहेको थियो।

कार्यक्रमका कांग्रेस बागमती प्रदेश संसदीय दलका नेता इन्द्र बहादुर बानियाँले प्रदेशसभाको सचिवालयको हाता भित्र निर्माण हुने  सभाहलले प्रदेशसभाको कार्यक्रम संचालनमा सहयोग पुग्ने बताएका छन्।