हेटौँडा अस्पतालमा आइसियु र एचडियु कक्ष संचालनमा,मुख्यमन्त्री पौडेलले गरे उदघाटन

१५ मंसिर,हेटौँडा। हेटौंडा अस्पतालमा आजबाट   सघन उपचार कक्ष (आइसियु) तथा उच्च उपचार कक्ष एचडियु सञ्चालनमा आएको छ।बागमती प्रदेशका मुख्यमन्त्री डोरमणि पौडेलले सोमबार बिहान अस्पताल हातामा निर्माण गरिएको आइसियु कक्ष  एचडियु कक्षको उदघाटन गरेका छन्।उदघाटन कार्यक्रममा बोल्दै मुख्यमन्त्री पौडेलले आइसियु कक्ष  एचडियु कक्ष संचालनमा आएपछि  स्वास्थ्य सेवामा फड्को मार्नेकुरा आफु निश्चित भएको बताएका छन्।  

'हिजोको दिनमा सामान्य बिरामी रिफर गरिनुपरथ्यो  अस्पतालको चौतर्फी आलोचना हुन्थ्यो,अब त्यो कामको अन्त्य भएको छ। अब हेटौँडा अस्पताल देशकै उत्कृष्ट अस्पताल बन्छ'-मुख्यमन्त्री पौडेलले भने।   

त्यसैगरी कार्यक्रममा बोल्दै  मदन भण्डारी स्वास्थ्य प्रतिष्ठानका रजिष्ट्रार राजेश प्रसाईले आइसियु सञ्चालन पश्चात अब निकट भविष्यमा कार्डियोलोजाी र प्याथोलोजी सेवा सुरु गरिने बताए ।    

 कार्यक्रममा जिसस प्रमुख रघुनाथ खुलाल, हेटौँडा अस्पतालका मेसु डा. प्रविण श्रेष्ठ, मदन भण्डारी स्वास्थ्य प्रतिष्ठानका निर्देशक  डा. हरि खड्का लगायतकाले मन्तब्य ब्यक्त गरेका थिए।  

 कार्यक्रममा  प्रदेश सभा सदस्य मुनु सिग्देल, कुमारी मोक्तान, ओम बहादुर ग्लान, सामाजिक विकास मन्त्रालयका सचिव  दीपक काफ्ले,  मदन भण्डारी स्वास्थ्य प्रतिष्ठानका उपकुलपति प्रा.डा. विश्वराज जोशी लगायत स्वास्थ्यकर्मीहरुको उपस्थिती रहेको थियो कार्यक्रम अस्पताल विकास समितिका अध्यक्ष डि.आर पौडेल (प्रकाश)को अध्यक्षतामा भएको थियो ।

आजबाट संचालनमा आएको ४ वटा भेन्टिलेटर सहित ७ शैयाको आइसियु र १० शैया एचडियुमा  प्रतिदिन प्रतिवेड एचडियुको १५०० लाग्ने, भेन्टीलेटर सहितको आइसियु ४ हजार र विना भेन्टिरलेटरको आइसियु २ हजार प्रतिदिन लाग्ने जनाइएको छ।