विश्वभर कोरोना संक्रमितको संख्या ७ कारोड ४५ लाख नाघ्यो

२ पुस, हेटौंडा । विश्वभर महामारीको रुपमा फैलिएको कोरोना भाइरस अर्थात कोभिड–१९ बाट संक्रमित हुनेको संख्या ७ करोड ४५ लाख नाघेको छ । 
अहिलेसम्म विश्वका ७ करोड ४५ लाख १७ हजार बढी मानिसमा कोरोनाको संक्रमण पुष्टि भएको वर्ल्डोमिटरले जनाएको छ ।
वितेको २४ घण्टामा विश्वभर ७ लाख १७ हजार भन्दा बढी नयाँ संक्रमित थपिएका छन् । कुल संक्रमितको संख्या मध्ये ५ करोड २३ लाख ४६ हजार भन्दा बढी मानिसहरु निको भएको पनि वल्र्डोमिटरले जनाएको छ ।
यसैगरी विश्वभर २ करोड ५ लाख १७ हजार भन्दा धैरैजनामा संक्रमण सक्रिय रहाँदा १ लाख ७ हजार भन्दा धेरै मानिसहरु गम्भिर अवस्थामा उपचार गराई रहेका छन् । 
कोरोना महामारीबाट विश्वको सबैभन्दा बढी प्रभावित अमेरिकामा १ करोड ७३ लाख ९१ हजार भन्दा धेरैमा कोरोना भाइरसको संक्रमण पुष्टि भएको छ । यहाँ पछिल्लो २४ घण्टामा २ लाख ४६ हजार ४ सय ३७ जना नयाँ संक्रमित थपिएको वल्र्डोमिटरले जनाएको छ ।
यस्तै दोस्रो धेरै प्रभावित देश भारतमा ९९ लाख ५४ हजार भन्दा धेरैमा संक्रमण पुष्टि हुँदा पछिल्लो २४ घण्टामा २१ हजार ८ सय ६१ जना नयाँ संक्रमित थपिएका छन् ।
यसैगरी तेस्रो धेरै प्रभावित देश ब्राजिलमा ७० लाख ४२ हजारभन्दा धेरैमा संक्रमण पुष्टि हुँदा पछिल्लो २४ घण्टामा मात्रै यहाँ ६८ हजार ४ सय ३७ जना नयाँ संक्रमित थपिएको वल्र्डोमिटरले जनाएको छ ।