नेपालले मलेसियालाई  ५ विकेटले हरायो

३ श्रावण, हेटौँडा । अण्डर १९ छनोटअन्तर्गत एसिया क्षेत्रको दोस्रो छनोट खेलमा नेपालले मलेसियालाई  ५ विकेटले जितेको छ ।

 सिङ्गापुरमा भइरहेको छनोट खेलअन्तर्गत मंगलबार भएको खेलमा टस हारेर पहिले ब्याटिङ गरेको मलेसियाले सबै विकेट जाँदा २५ओभर ५ बलमा ५८ रन बनाएको थियो । ५९ रनको लक्ष्य पाएको नेपालले  ९ ओभर ५ बलमा ५ विकेट खर्चीदै  उक्त लक्ष्य पूरा गरेको हो । कप्तान सन्दीप लामिछानेले ८ दशमलव ५ ओभरमा १ मेडन राख्दै १७ रन खर्चेर पुनः ५ विकेट लिएपछि मलेसिया २५ दशमलव ५ ओभरमा ५८ रन बनाउँदै अल–आउट भएको थियो । ५९ लक्ष्यका साथ जवाफी ब्याटीङमा उक्तेको नेपालको बलिङको तुलनामा  ब्याटिङ भने केही कमजोर देखियो। 

नेपालका लागी सन्दिप सुनारले  ८ बलमा ६ रन बनाए भने  नेपालले ८ रनमा पहिलो विकेट गुमाएको थियो ।  आदिल खान पनि ५ र दीपेन्द्र सिंह ऐरी पनि ४ रनमा बोल्ड भए । ४५ रनमा ४ विकेट गुमाएको नेपालका लागि अर्का प्रारम्भिक ब्याट्सम्यान आसिफ शेखले सर्वा्धिक ५ चौकाको मद्धतले २३ रन र प्रनित थापामगरले १८ रन बनाए । अनिल साह शुन्यमा आउट भए। रोहित कुमार पौडेल ४ रनमा अविजित रहे। उनले मोहम्मद आमिरको बललाई चौका प्रहार गर्दै नेपाललाई विजय दिलाए । नेपालविरुद्ध लेफ्ट आर्म अर्थोडक्स बलर हाफिजुद्धिनले ३ ओभरमा २१ रन खर्चेर ३ विकेट लिए। नेपालले ९ दशमलव ५ ओभरमा ५ विकेट गुमाउँदै ६१ रन बनायो ।  मलेसियाका कुनै पनि खेलाडीले दोहोरो अंकमा रन बनाउन नसकेकाले २४१ बल बाँकी छँदै नेपालले लक्ष्य पूरा गरेको हो । पहिलो खेलमा पनि नेपालले सिंगापुरलाई ४ विकेटले हराएको थियो  ।