हेटौँडामा अनलाईनबाट अध्ययन शुभारम्भ

२२ साउन, हेटौँडा । सरकारी र निजी बिद्यालयका निम्न माध्यमिक र माध्यमिक तहका बिद्यार्थीहरुलाई बिभीन्न बिषयमा अनलाईन मार्फत पढ्न सकिने कोर्षको दश महिने पढाई आजबाट हेटौडामा सुरु भएको छ । नेल्टा मकवानपुरको आयोजना र अमेरिकन दुताबासको सहयोगमा बिद्यार्थीहरुलाई अनलाईनबाट पढ्न सक्नेगरी सक्षम बनाउृनका लागि अनलाईन कोषको पढाई सुरु गरिएको हो ।

बिद्यालयमा अध्यनरत बिद्यार्थीहरुले अग्रेजी, बिज्ञान, कम्प्युटर साईन्स, सामाजिक, गणीत, मानब बिज्ञानको कोर्ष सजिलैसंगै अनलाईन मार्फत पढ्न सक्ने गरी अनलाईन शिक्षा दिन सुरु गरिएको नेल्टा मकवानपुरका उपाध्यक्ष गणेश प्रसाद हुमागाईले बताए । नेल्टा मकवानपुरका अध्यक्ष सूर्यप्रसाद घिमिरेको अध्यक्षता र हेटौडा स्कुल अफ म्यानेजमेन्टका प्रमुख पुरनबहादुर जोशीको प्रमुख आतिथ्यतामा अनलाईन कोर्षको शनिबारशुभारम्भ भएको छ । कार्यक्रममा अनलाईन कोर्षका सम्बन्धमा नेपाल कोर्डिनेटर बामन घिमिरे, सिद्धार्थ उच्च माबिका प्राचार्य मोहनप्रसाद शर्मा लगायतकाले मन्तब्य व्यक्त गरेका थिए ।

अहिले अनलाईन कोषको सिकाईमा हेटौडाका सरकारी र निजी बिद्यालय गरी ११ बिद्यालयका ६६ जना बिद्यार्थी सहभागि रहेका छन् । बिशेषगरी ८, ९ र १० कक्षाका ३३ जना छात्र र ३३ जना छात्रा सहभागि भएको अनलाईन कोर्षका अभियानता समेत रहेका बामन घिमिरेले बताए । नेपालमा धरान, पोखरा, बिराटनगर, बुटवल, काठमाण्डौ, ललितपुर र धनगढीमा अनलान कोर्ष शुरु भएको छ । सातामा ३ घण्टा यो कोर्ष पढ्न हेटौडामा आउँदो बैशाख महिनासम्म संचालन हुने जनाईएको छ । यो कोर्ष पढेपछि बिद्यार्थीहरुले अनलाईन सर्टिफिकेट प्राप्त गर्नेछन् ।