पावसमा स्वास्थ्य शिविर

४ साउन, हेटौंडा । जिल्ला पशु सेवा कार्यलय मकवानपुरले भुकम्प पिडीत कृषकहरुलाई पशु औषधि वितरण गरेको छ । बकैया गाँउपालिका वडा नम्बर ५ पावसमा कृषकहरुलाई पशु शिवरसहित औषधि वितरण गरेको हो ।

जिल्ला पशुु सेवा कार्यालयका प्रमुख रामप्रकाश प्रधान, पशु चिकित्सक सजिवकुमार ठाकुर तथा पशु कार्यालय हेटौँडाका योजना अधिकृत डाक्टर सुरेन्द्रयादव सम्मिलित टोलीले बुधबार पावसमा पशु स्वास्थ्य शिवीर सञ्चालन गरी राय परामर्श सहितको औषधि वितरण गरीएको डाक्टर संजिवकुमार ठाकुरले जानकारी दिए ।

शिविरमा लिभरटोनिक, मल्टी भिटामिन,जुका, नाम्ले, ज्वरो लगायतका ११ थरीको औषधि वितरण गरिएको छ । नेपाल सरकार राष्ट्रिय पुर्ननिर्माणको सहयोगमा भएको कार्यक्रममा बकैया गाँउपालिका उपाध्यक्ष सरला बोलखे, ५ नम्बर वडा अध्यक्ष शेरमान घलान, पावस दुग्ध सहकारी संस्थाका अध्यक्ष धर्मराज लामिछाने लगायतको उपस्थिति थियो ।

बुधबार नै पवस दुग्ध उतपादक सहकारी संस्थाका पशुपालक कृषक सदस्यलाई नगद वितरण गरेको छ । नेपाल सरकार ब्यवसायिक पशुपालक कृषक सदस्यहरुलाई प्रोत्साहन कार्यक्रम अर्थात पाइलट कार्यक्रम अन्तरगत जिल्ला पशु सेवा कार्यलयका प्रमुख लगायत स्थानीय उपस्थितिमा वितरण गरेको हो । सहकारीमा हाल दैनिक ७ सय लिटर दुध संकलन हुन्छ भने सहकारीमा १ सय २२ सदस्य रहेका छन् । उनिहरुलाई प्रतिलीटर रु १ अनुदान अन्तरगत १ लाख ८६ हजार ३ सय ४९ रुपैया वितरण गरिको सहकारीका व्यवस्थापक युवराज लामिछाने बताए ।