चौघडामा रहेको वंशगोपाल माविको व्यवस्थापन समितिमा प्रतिनिधि चयन

२२ पुस,हेटौँडा । हेटौँडा-६ चौघडामा रहेको वंशगोपाल माविको व्यवस्थापन समितिमा प्रतिनिधि चयन  भएको छ। प्रचलित शिक्षा ऐनले व्यवस्था गरे बमोजिम  प्राविधिक शिक्षालयले व्यवस्थापन समितिका सदस्यहरु चयन गरेको छ।मंगलबार भएको विद्यालयको १६ औँ अभिभावक भेलाले ४ जना विद्यालय व्यवस्थापन समितिका प्रतिनिधिहरु चयन गरेको हो । 

चयन भएका  महिलातर्फ सदस्यमा अमुना सापकोटा, गायत्री घिमिरे र पुरुषतर्फ विजय गौतम र रामशरण दुलाल रहेका छन् । शिक्षा ऐनको नियमअनुसार व्यवस्थापन समितिका प्रतिनिधिहरु चयन गरिएको विद्यालयका प्रधानाध्यापक रमेशप्रसाद लामिछानेले जानकारी दिए । विद्यालय व्यवस्थापन समितिमा सम्बन्धित वडाका वडा अध्यक्ष, विद्यालयका प्रधानाध्यापक र शिक्षक प्रतिनिधि स्वतः सदस्य रहने व्यवस्था रहेको बताए।  त्यसैगरी २ जना सदस्य मनोनित गर्ने अधिकार पनि चयन भएका प्रतिनिधिहरुलाई रहेको र त्यही प्रतिनिधिहरु मध्येबाटै विद्यालय व्यवस्थापन समितिको अध्यक्ष चयन हुने प्रधानाध्यापक लामिछानेले बताए।त्यसैगरी भेलाबाटै प्रकाश कार्कीको अध्यक्षतामा ११ सदस्यीय शिक्षक अभिभावक संघ पनि गठन भएको छ ।विद्यालय व्यवस्थापन समितिका अध्यक्ष श्याम प्रसाद श्रेष्ठको अध्यक्षतामा भएको कार्यक्रममा हेटौंडा उपमहानगरपालिकाका मेयर हरिबहादुर महतको प्रमुख आतिथ्यता रहेको थियो । कार्यक्रममा हेटौंडा ६ का वडा अध्यक्ष अर्जुनप्रसाद चौलागाई, विद्यालय व्यवस्थापन समितिका पूर्व अध्यक्षहरु साधुराम चौलागाई, बालकृष्ण चौलागाई, धु्रब प्रसाद संजेल लगायतकाले मन्तव्य व्यक्त गरेका थिए ।