स्वर्गीय पण्डित प्रति प्रधानमन्त्री देउवाको श्रद्धाञ्जली

१० साउन,हेटौडा । पृथक धावक तथा हिमाल आरोही सञ्जय पण्डितको पार्थिव शरीरमा मंगलबार   राष्ट्रिय झण्डा ओढाई सम्मान गरिको  छ । प्रधानमन्त्री शेर बहादुर देउवाले   श्रद्धाञ्जलीका लागि पण्डितको शव राखिएको स्थल त्रिपुरेश्वरस्थित राष्ट्रिय खेलकुद परिषद् परिसरमा पुगी राष्ट्रिय झण्डा ओढाई  श्रद्धाञ्जली अर्पण गरेका छन ।
अमेरिकाको अलास्का राज्यमा अवस्थित डेनाली हिमाल आरोहणका क्रममा २९ वर्षीय आरोही पण्डितको गत असार २ गते लेक लागेर निधन भएको थियो ।सोमबार अमेरिकामा नेपाल ल्याईएको उनको शब आज बिहान १० बजे देखी श्रद्धाञ्जलिका लागि त्रिपुरेश्वरस्थित राष्ट्रिय खेलकुद परिषद् परिसरमा राखिएको थियो ।

 सगरमाथा सहित नेपालका आधा दर्जनभन्दा बढी हिमालको आरोहण गरेका पण्डितले मनास्लु, अष्ट्रेलियाको शिखर माउण्ट कोजियस्को, अफ्रिकाको किलिमान्जारो, युरोपको एलव्रसलगायत विभिन्न महादेशका हिमालको पनि सफल आरोहण गरेका थिए भने विसं २०६५ देखि साहसिक यात्रा सुरु गरेका पण्डितले प्युठानको स्वर्गद्वारीबाट काठमाडौँको दूरी ४७ घण्टा २० मिनेटमा पार गरेका थिए ।

पण्डितको पार्थिव शरीरमा श्रद्धाञ्जली अर्पण गर्न सभामुख ओनसरी घर्ती, उपप्रधानमन्त्री कृष्णबहादुर महरा , नेपाली काँग्रेसका वरिष्ठ नेता रामचन्द्र पौडेल  डा रामशरण महत तथा नेकपा(माओवादी केन्द्र)का वर्षमान लगायत  विभिन्न राजनीतिक दलका नेता, शुभेच्छुक, सर्वसाधारण, राष्ट्रिय खेलाडी तथा खेलप्रेमी र आरोहणमा संलग्न व्यक्तिहरु त्रिपुरेश्वर पुगेका थिए र उनको अन्तिम संस्कार भने उनको गृहजिल्ला प्युठानमा हुने बताइएको छ ।