बानियाँद्वारा कमलेश्वर मन्दिरको अनावरण

भीमसेन पौडेल
१० साउन, हेटौँडा । हेटौडा–१७ बारुतेमा निर्माण गरिएको कमलेश्वर महादेव मन्दिरको मंगलवार अनावरण गरिएको छ । मन्दिरको पूर्व गृहराज्य मन्त्री एवम मकवानपुर क्षेत्र नम्बर १ का सांसद ईन्द्रबहादुर बानियाँले अनावरण गरेका हुन् ।
कार्यक्रममा सांसद बानियाँले धार्मिक कार्यले समाजमा सकारात्मक प्रभाव पार्ने बताए  । नेपालको संविधानले सबै धर्मप्रति सम्मान गरेको बताउँदै बानियाँले धर्मकै माध्यमबाट देशमा एकता कायम भएको बताए ।
समितिका कोषाध्यक्ष भवनाथ गौतमले सबैको सहयोगबाट मन्दिर ४ लाख ५५ हजार ४ सय ४९ रुपैयाँमा निर्माण भएको आर्थिक प्रतिवेदन प्रस्तुत गरेका थिए । अनावरण कार्यक्रममा हेटौडा १६ का वडाध्यक्ष रामकृष्ण कोईरालाले १० हजार १०, हेटौडा १७ का शिव सुर्खेतीले १० हजार १ सय ११, धु्रवप्रसाद दुलालले ५ हजार २५,हेटौडा ६ का वडाध्यक्ष अर्जुनप्रसाद चौलागाईले ५ हजार ५ रुपैयाँ, १७ नम्बरका वडाध्यक्ष भैरवबहादुर राईले २ हजार ५ सय ५ रुपैयाँ सहयोग गर्नु भएको थियो ।
यसैगरी हेटौडा ६ का वडा सदस्यहरु रामहरी राईले ३ हजार ५, राजकुमार बास्तोलाले २ हजार ५ सय ५, कल्पना विश्वकर्माले २ हजार ५ सय ५, गढी ३ का अर्जुनप्रसाद दाहालले १ हजार ५ सय १०, हेटौडा १७ का टीकाप्रसाद तिमल्सिनाले १ हजार ५१, विश्व भट्टले १ हजार १०, हेटौडा–६ की मन्दिरा घिमिरेले १ हजार १०, हेटौडा १७ का बुद्धिबहादुर कार्कीले १ हजार सहयोग गरेका थिए । 
मन्दिर निर्माण समितिका अध्यक्ष चेतनाथ चौलागाईको अध्यक्षतामा भएको थियो । कार्यक्रममा हेटौडा ६ का वडाध्यक्ष अर्जुनप्रसाद चौलागाई,१६ का वडाध्यक्ष रामकृष्ण कोईराला, १७ नं. वडाध्यक्ष भैरबबहादुर राई, हेटौडा उपमहानगरपालिका नगर सदस्य एवम ६ नं वडा सदस्य कल्पना विश्वकर्मा, मकवानपुर उद्योग बाणिज्य संघका सदस्य रविन्द्र घिमिरे, चुच्चेखोला सामुदायिक वनका अध्यक्ष अर्जुनप्रसाद दाहाल, मन्दिर अनुगमन समितिका संयोजक विष्णुप्रसाद ढुंगाना लगायतले मन्तव्य व्यक्त गरेका थिए ।