९ नम्बर वडामा कांग्रेसको विरोध प्रदर्शन (फोटो फिचर)

८ माघ, हेटौंडा । नेपाली कांग्रेस मकवानपुरले बिहीबार जिल्लाको सबै वडामा केपी शर्मा ओली नेतृत्वको कम्युनिष्ट सरकारले गरेको संसद विघटनको विरोधमा प्रदर्शन गरेको छ । 
यसैविच सरकारले असंवैधानिक तरिकाले संसद् विघटन गरेको भन्दै नेपाली कांग्रेस हेटौंडा ९ नम्बर वडा समितिले विरोध प्रदर्शन सहित सभाको आयोजना गरेको छ । 
९ नम्बर वडा सभापति विरेन्द्र लामो सभाध्यक्षतामा भएको विरोध सभामा नेपाली कांग्रेस मकवानपुरका पूर्व उपसभापति नाराण लम्सालको प्रमुख आतित्थ्यता रहेको थियो । 
कार्यक्रममा प्रमुख अतिथि लम्सालले कार्यक्रममा बोल्दै विघटित संसदको पुनःस्थापना नेपाली कांग्रेसको अहिलेको आन्दोलनको पहिलो एजेन्डा भएको बताए । 
उनले प्रतिनिधि सभा विघटनले संविधान र लोकतन्त्र खतरामा परेको उल्लेख गर्दै नेपाली जनताको अथक प्रयासबाट प्राप्त संविधान र स्थापित लोकतन्त्रको रक्षाका लागी जिवनको आहुती दिनपनि पछी पर्नु नहुने बताए ।
कार्यक्रममा नेपाली कांग्रेस मकवानपुरका जिल्ला सदस्य मिलन परियार,  ट्रेड युनियन कांग्रेस बागमती प्रदेशका सभापति कुमार पौडेल, स्थानिय निर्वाचनमा वडासदस्यका प्रत्यासी कपिल अर्याल, वडा समितिका सचिव प्रदिप पराजुली लगाएतले मन्तव्य व्यक्त गरेका थिए ।
यस्तै कार्यक्रममा नेपाली कांग्रेस ९ नम्बर वडा समितिका पूर्व सभापति सिताराम मिश्र, नेपाल महिला संघ मकवानपुरकी पूर्व अध्यक्ष चित्रलेखा उपाध्याय,  ट्रेड युनियन कांग्रेसका क्षेत्रिय सदस्य केदार पुडासैनी लगायत वडा समितिका सदस्य तथा नेपाली कांग्रेसका क्रियाशिल सदस्यहरुको उपस्थिति रहेको थियो ।