सिद्धार्थ माविको बार्षिक उत्सव सम्पन्न

८ माघ,हेटौँडा । हेटौँडा २ मा रहेको सिद्धार्थ माध्यमिक विद्यालयले बिहिबार आफ्नो ४५ औँ बार्षिक उत्सव समापन गरेको  छ ।विद्यायलले माघ ७ रक्तदान र आज ८ गते समापन कार्यक्रमको आयोजना  गरी ४५ औँ बार्षिक उत्सव सम्पन्न गरेको हो।  

हेटौँडा उपमहानगरपालिकाका नगर प्रमुख हरी बहादुर महतको प्रमुख आतिथ्यतामा तथा विद्यालयका प्रधानाध्यापक मोहन प्रसाद शर्माको  सभाध्यक्षतामा भएको पुरस्कार वितरण तथा समापन कार्यक्रममा हेटौँडा वडा नम्बर २ का वडा सदस्य महेश्वर मान श्रेष्ठ,रेनु गुरुङ,शिक्षा समन्वय ईकाई मकवानपुरका निमित्त प्रमुख कृष्ण प्रसाद घिमिरे,हेटौँडा उपमहानगरपालिका शिक्षा विकास महाशाखा प्रमुख गंगाधर रिमाल,विद्यालय व्यवस्थापन समितिका निवर्तमान अध्यक्ष मधु बजगाईं,विद्यालयका पुर्व प्रधानाध्यापक लक्ष्मी भक्त घिसिङ्  विद्यालयका सहायक प्रधानाध्यापक सागर प्रसाद खतिवडा, राम शरण अधिकारी,दश जोड दुई संयोजक गणेश प्रसाद हुमागाई लगायत शिक्षक अभिभावकहरुको सहभागिता रहेको थियो ।

कार्यक्रममा २०७६ शालको बार्षिक परिक्षामा प्रथम,द्धितिय र तृतिय भएका र विद्यालयले संचालन गरेका अतिरिक्त क्रियाकलापमा उत्कृष्ट हुने विद्यार्थीहरुलाई पुरस्कृत गरिएको थियो।विद्यालयका प्रधानाध्यापक मोहन प्रसाद शर्माले विद्यालयको प्रगति विवरण प्रस्तुत गरेका थिए साथै कार्यक्रममा विद्यालयले त्रैमासिक रुपमा प्रकाशन गरेको सिद्धार्थ बालबाटिकाको विमोचन गरिएको थियो।कार्यक्रममा विद्यालयमा संचालन भएको  मितिमा सबैभन्दा बढी उपस्थिति हुने शिक्षिका धन कुमारी गिरीलाई कदरपत्रले सम्मान गरिएको थियो।