नेमारको गोलले बार्सिलोना विजयी  

तस्विरः एजेन्सी

१२ साउन,हेटौडा । इन्टरनेसनल च्याम्पियन्स कप फुटबलको बिहिबार बिहान सम्पन्न म्यानचेस्टर युनाइटेड र बार्सिलोना बिचकोे खेलमा स्पेनिस क्लव बार्सिलोना १–० गोलले विजयी भएको छ ।   
 बार्सिलोनालाई  विजयी गराउन ब्राजिलियन स्ट्राइकर नेइमारले ३१ औं मिनेटमा गोल गरका थिए । इन्टरनेसनल च्याम्पियन्स कप फुटबलका  पछिल्लो २ खेलमा नेयमारको यो तेस्रो गोल हो । त्यसैगरी स्पेनिस तथा युरोपियन च्याम्पियन रियल म्याड्रिड इंग्ल्सि क्लब म्यान्चेस्टर सिटी सँग ४–१ गोलअन्तरले पराजित भएको छ । अमेरिकाको लस एन्जलिस शहरमा भएको र्दई टोली बिचको खेलमा निकालास ओटामेन्टी, राहिम स्टर्लिङ, जोन स्टोन्स र ब्राहिम डियाजले को गोलको मद्धतले सिटीले रियलमाथि ४–१ गोलअन्तरले जित निकाल्न सफल भएको हो । रियलका लागी एक् मात्र गोल ओस्कारले गरेका थिए । इन्टरनेसनल च्याम्पियन्स कप फुटबलमा रियलको यो दोस्रो हार हो ।

त्यसैगरी  युभेन्टस र   पेरिस सेन्ट जर्मेन बिचको खेलमा युभेन्टसले  पेरिस सेन्ट जर्मेनलाई रोमाञ्चक खेलमा ३–२ को गोलअन्तरले हराएको छ । गोन्जालो हिग्वाइन,र मार्चिसियोको दुई गोल ले युभेन्टसले पेरिस सेन्ट जर्मेनलाई जित्न सफल भएको हो ।