जनप्रतिनिधि चुनिदा पनि भएन काम

    सुनिल शिवाकोटी
       
१२ साउन, हेटौँडा । हेटौडा देशको अन्य उपमहानगर मध्य नमुना उपमहानगरपालिको छवी बनाउन सफल भएको उप महानगरपालिका हो । 
विकासको पुर्वाधारले सपन्न भएरै होला  नमुना उपमहानगरपालिको सुचिमा पर्न सफल भएको हो । भर्खरै स्थानीय तहको निर्वाचनबाट जनप्रतिनिधिहरु चुनिसकेको अवस्थामा विकासको कामले तिब्रता पाउनु पर्नेमा पछिल्लो दिनहरुमा हेटौँडा सफा ,स्वच्छ नमुना उपमहानगरपालिको सुचिबाट तल झर्ने होकि भन्ने आँकलन गर्न थालीएको छ ।

हेटौँडा नगरमा दयनिय बन्दै गएको सडकको अवस्थाले गर्दा  यस्तो आकलन गर्न थालिएको हो  ।  हेटौँडाको सडकको अवस्थालाई हेर्ने हो भने हिँउदमा सवारी साधन गुड्दा धुलो उड्नु  र बर्षातमा पानी पर्दा  सडकको बिचमा बनेका खाल्टा खुल्टीले निम्त्याएको असुविधा र दुर्घटनाले नगरबासीमा नगरपालीका प्रति आक्रोश सृजर्ना गरेको त छ नै  संवन्धित निकायले समयमानै ध्यान नदिदा सडकको अवस्था झनझन बिग्रँदै गएको छ । २५ मिटर सडक विस्तारको कार्यले गति नलिदा र बजेट सक्न आर्थीक बर्षको समाप्ती र  मनसुन सुरु भएपछी गरिने काम चलाउ गरिने  बिकास निर्माणका कामले जन्ता आजित भएका छन । संवन्धित निकायको ध्यानाकर्षण गराउन  हेटौँडाका आम  सर्वसाधरणले बाटो बन्द देखी सडकमा धान रोप्ने कार्य पनि नगरेका  होईनन तर नगरपालीकाको कछुवा गतिको कामले  सर्वसाधरण उपमहानगरपालिका र जनप्रतिनिधी प्रती आकोशित बनेका छन ।  मेनरोडमा दिनहुजसो जाम पर्ने गरेको छ । यो समस्याको लागी राटोमाटे देखी राप्ती पुल सम्मको बाईपासको मर्मत संहार गरी मेनरोडमा भएको  ट्राफिक  जामलाई कम गर्न न उपमहानगरपालिकाको ध्यान पुगेको छ नत  निर्वाचीत  जनप्रतिनिधिहरुकोनै ध्यान गएको देखिन्छ  ।   
 हेटौंडाको कान्तिराज पथ, पारीजात पथ,  भैरव रोड, चिल्ड्रेन  पार्क, गर्दोई को  सडकको अवस्था अझ दयनीय छ । कान्तिराज पथबाट भैरव रोड हुदै चिल्ड्रेन पार्क, गर्दोई जाने बाटोको खाल्डोमा थुप्रै दुघर्टना भइसकेका छन । खाल्डो हुनुको साथै ठाँउ ठाँउमा पानीको पाईप बिग्रीएर कालो पत्रे उप्किएको देख्न पाइन्छ भने कान्तिराज पथ  पारीजात पथ हुदै हुप्राचौर जाने बाटो बिगत १५ दिन देखी कालो पत्रे उप्काएर प्रवेश निषेध गरिको छ  जसले गर्दा सर्वसाधरणहरु मेनरोड र भैरव रोड भएर यात्रा गर्न बाध्य भएका छन ।
 हेटौँडा ४ चिल्ड्रेन  पार्कका स्थानीय गजेन्द्र  गीरीले बाटो खाल्टो भएका कारण पानी पर्दा खल्टो नदेखिने हुदा धेरै मोटरसाईल र सवारीसाधन दुर्घटनामा पर्ने गरेको  तितो यर्थाथ सुनाए ।
यस बिषयमा बुझन हेटौंडा उपमहानगरपालिका पुग्दा हेटौंडा उपमहानगरपालिकाका मेयर कार्य कक्षमा भेटिएनन । त्यपछी योजना र तर्जुमा को जिम्मा पाएको योजना तर्जुमा तथा पूर्वाधार बिकास महाशाखा पुग्दा महाशाखाका प्रमुख कृष्ण बहादुर अधिकारीले भैरव रोड  क्षेत्रको बाटो  र कान्तिराज पथ  पारीजात पथ हुदै हुप्राचौर जाने बाटो केही प्राबिधिक कारणले  छिटो मर्मत सम्भार हुन नसकेको बताए । उपभोक्त समिती मार्फत काम गरिएको र खानेपानीको पाईप मर्मत संहार र हाउस होल्ड च्याम्बर बनाउने कार्यले गर्दा ढिला भएकोले खानेपानीको पाईप मर्मत संहारको काम र हाउस होल्ड च्याम्बर बनाउने काम लगभग सकिएकोले २/४ दिनामा ढलान गर्नेकाम सुरु हुने बताए । अधिकारीले एमसिपीएमको १ करोडको सहयोगमा हेटौडाको हरिकुञ्ज रोड, देवी पथ र पारीजात पथमा करिब ५०० मिटर ढलान गर्न थालिएकोमा अब पारीजात पथको १४७ मिटर मात्र बाँकी रहेको बताउदै  उनले भैरव रोड देखी गर्दोई सम्म ढलानको लागी प्रबिधिक अध्यन भईरहेको बताए ।