दिव्यतारा सहकारी र रेडियो मकवानपुरको वार्षिकोत्सब: कविता प्रतियोगिता सम्पन्न

१६ माघ, हेटौंडा । दिव्यतारा बहुउद्देश्यीय सहकारी संस्था लिमिटेडको स्थापना दिवस तथा दिव्यताराद्वारा सञ्चालित रेडियो मकवानपुरको बािर्षकोत्सवको अवसरमा सप्ताहव्यापी कार्यक्रम सुरु भएको छ । पहिलो दिन शुक्रबार सहीद दिवसको सन्दर्भमा माविस्तरीय कविता प्रतियोगिता भएको छ ।
सहीद शीर्षकमा भएको प्रतियोगितामा जीएस निकेतनका समर्पण न्यौपाने प्रथम, त्रिभुवन नमूना माविका सुजन ढुङ्गाना द्वितीय, भानु माविका जेनिशा चौलागााइँ तृतीय, शारदा माविका कविना सञ्जेल र बालज्योति मावि पिप्लेका रिजाय कार्की शान्त्वना भएका छन् ।
प्रतियोगितामा जिल्लाको विभिन्न विद्यालयको २३ जना विद्यार्थीहरु सहभागी रहेका थिए । कविता प्रतियोगितामा प्रथम, द्वितीय, तृतीय र शान्त्वना भएका विद्यार्थीहरुले क्रमश: नगद ५ हजार, ३ हजार, २ हजार र एकहजार रुपैयाँसहित प्रमाणपत्र प्राप्त गर्नेछन् ।
कविता प्रतियोगितामा साहित्यकार दीपक गौतम र भावना सापकोटाले निर्णायकको भूमिका निर्वाह गरेका थिए ।
रेडियो मकवानपुरका स्टेसन म्यानेजर गणेशदर्पण अधिकारीको अध्यक्षतामा भएको कार्यक्रममा पत्रकार महासंघ मकवानपुर अध्यक्ष हरि हुमागाइँको प्रमुख आतिथ्यता रहेको थियो ।
रेडियो मकवानपुरले सामुदायिक रेडियो हुनुको नाताले आफ्नो धर्म निर्वाह गर्दै आएकोमा खुसी व्यक्त गरे । कार्यक्रममा पत्रकार महासंघ मकवानपुर उपाध्यक्ष कुमार अधिकारी, दिव्यतारा सहकारीका व्यवस्थापक रमेशप्रसाद कोइारालालगायतले मन्तव्य व्यक्त गरेका थिए ।