बिजय युथ हेटौडा गोल्डकप: राप्ती र दुधौली स्पोर्टस क्लब विजयी

फोटो:पत्रकार विक्रम बानियाँ

१७ माघ,हेटौँडा । विजय थुय क्लबको आयोजनामा माघ १६ गतेबाट हेटौँडामा  सुरु भएको 'विजय थुय क्लब हेटौँडा गोल्डकप'को आज सम्पन्न दुई खेलमा राप्ती र दुधौली स्पोर्टस क्लब विजयी भएका छन्। 

हेटौँडा-१० वनविज्ञान क्याम्पसको खेल मैदानमा शनिबार सम्पन्न  भएको पहिलो खेलमा हर्दि युवा समाज राप्तीले बिरगंज युनाइटेडलाई २ का विरुद्ध सुन्य गोल अन्तरले पाखा लगाउदै विजयी भएको हो। 

हर्दि युवालाई  जित दिलाउन खेलको सातौं मनिटमै निरज चौधरीले पहिलो गोल गरेका थिए। त्यसैगरी खेलको १३औं मिनटमा  हर्दीका  सुरेश कुमालले दोस्रो गोल गर्दै टोलीको जित पक्का गरेका थिए खेलमा हर्दि युवा समाजका सुरेश कुमाल नै म्यान अफ द म्याच घोषित भएका छन्।यो जितसँगै प्रतियोगितामा बाई पाएको हर्दि युवा समाज सेमिफाइनलमा प्रवेश गर्न समेत सफल भएको आयोजकले जानकारी दिएको छ।

त्यसैगरी आज सम्पन्न दोस्रो खेलमा दुधौली स्पोर्टस् क्लब विजयी भएको छ।दुबै टिम खेल निर्धारीत समयमा  १–१ गोलको बराबरी रोकिएपछि खेल ट्राईबेकरमा धकेलिएको थिए ।दुधौलीले ट्राईबेकरमा बिरगंज युथ एकेडेमीलाई ४ का विरुद्ध २ गोल अन्तरले पराजित गर्दै दुधौली स्पोर्टस् क्लब विजयी बनेको हो।दोस्रो खेलमा दुधौली स्पोर्टस्का गोलरक्षक रेम्बो चौधरी म्यान अफ दी म्याच घोषित भएका छन्।

त्यसैगरी भोली माघ १८ गरेपनि दुई खेल हुने आयोजकले जनाएको छ।भोलीको पहिलो खेल  एफसी रियाले, काठमाडौं र सेन्ट्रल कलेज भरतपुर फुटबल क्लब हुनेछ भने दोस्रो खेल सर्लाही जिल्ला फुटबल संघ र आयोजक एफसी विजय युथ क्लब बिच हुनेछ।