जिल्ला समन्वय समिति गोरखामा काँग्रेस निर्विरोध

जिल्ला समन्वय समिति गोरखाको सभापतिमा निर्विरोध निर्वाचीत अशोक गुरुङ

१८ साउन,गोरखा । जिल्ला समन्वय समिति गोरखाको सभापति पदमा नेपाली काँग्रेसका उम्मेदवार अशोक गुरुङ निर्विरोध निर्वाचीत भएका छन् भने उपसभापतिमा नेपाली काँग्रेसकै उम्मेदवार जानुका अधिकारी निर्वाचीत भएकि छिन । ११ वटा स्थानीय तह रहेको गोरखामा जिससका लागि २२ जना मतदाता थिए । यीमध्ये १६ मत काँग्रेसको र बाँकी ६ मत नेकपा (माओवादी केन्द्र)को थियो । 

साउन २० गतेका लागि समन्वय समितिको निर्वाचन गर्ने घोषणा गरिए पनि नेपाली काग्रेसका उम्मेदवारबाहेक अरूले मनोनयन दर्ता नगरेपछि  गुरुङसहित नौजना समन्वय समितिमा निर्विरोध निर्वाचीत भएको घोषणा गरिएको मुख्य निर्वा्चित अधिकृत वसन्तराज पौडेलले बताए । निर्वाचीत समितिको सदस्यहरुमा सुलिकोट–५ की उजेलिमाया राना मगर, अजिरकोट–३ की इन्द्रा गुरुङ, गोरखा नगरपालिका–२ की लक्ष्मी थापा मगर, चुमनुब्री गाउँपालिका–२ का छेवाङ ग्याल्जेन लामा, आरुघाट–२ का राजु गुरुङ र अजिरकोट–२ का मानप्रसाद धिताल, सुलिकोट गाउँपालिका–८ का तेजबहादुर बराम रहेका छन । 
सभापतिमा  निर्विरोध निर्वाचीत गुरुङ सिरानचोक गाउँपालिका–१ केराबारी र अधिकारी शहीद लखन गाउँपालिका–८ बुंकोटबाट स्थानीय तह निर्वाचनमा सदस्य पदमा निर्वा्चित भएका थिए ।