जिल्ला समन्वय समितिका लागि उम्मेदवारी दर्ता

१८ साउन, हेटौँडा । जिल्ला समन्वय समिति मकवानपुरको निर्वाचनको लागि नेकपा एमाले, नेपाली कांग्रेस  र नेकपा माओवादी केन्द्रले उम्मेदवारी दर्ता गराएका छन् । निर्वाचनका लागि नेकपा एमालेले एकल प्यालनमा उम्मेदवारी दिएको छ भने नेपाली कांग्रेस र माओवादी केन्द्रले मिलेर उम्मेदवारी दिएका छन् ।
नेकपा एमालेले अध्यक्षमा रघुनाथ खुलाल, उपाध्यक्षमा भगवति पुडासैनी, सदस्यहरुमा देवराज रिमाल, सरिता विक, सिता अधिकारी, गणेशकुमारी प्रधान, बुद्धिबहादुर मोक्तान, चित्रबहादुर लामा र ठूलीमाया मोक्तान रहेका छन् । पार्टी कार्यालयमा भएको कार्यक्रममा नेताहरु केदार न्यौपाने, ललित बस्नेत, रामेश्वर राना, बद्री लम्साल लगायतले सफलताको शुभकामना दिएका थिए । कार्यक्रममा पार्टीले विश्वास गरेर समन्वय समितिको उम्मेदवारको रुपमा प्रस्तुत गरेको भन्दै जनताको मन जित्ने ढंगले काम गर्न सुझाव दिएका थिए ।
यसैगरी, नेपाली कांग्रेसबाट अध्यक्षमा कृष्णप्रसाद दाहाल, सदस्यहरुमा सुवातसिं थिङ, सावित्रि घिमिरे, मैयाकुमारी गोले र राधिका सुनारले उम्मेदवारी दर्ता गराएका छन् । त्यस्तै माओवादी केन्द्रबाट उपाध्यक्षमा विजयकुमार व्लोन, सदस्यहरुमा रुपचन्द्र गोपाली, गोमा गोतामे र लिलाकुमारी विकले उम्मेदवारी दर्ता गराएका छन् । निर्वाचन साउन २३ गते हुने जनाईएको छ ।