प्रधानमन्त्रीद्वारा नारायणगढ–मुग्लिन सडकको निरीक्षण  

१८ साउन, चितवन । प्रधानमन्त्री शेरबहादुर देउवाले  नारायणगढ–मुग्लिन सडक खण्डको बुधबार  निरीक्षण गरेका  छन ।

प्रधानमन्त्री देउवा बिहान १० बजे हेलिकप्टरमा भरतपुरको आँपटारी आएर  आँपटारीदेखि दासढुंगासम्मको करिब २० किलोमिटर सडकखण्डको स्थलमार्ग हुँदै निरीक्षण तथा अनुगमन गरेका हुन । निरीक्षण तथा अनुगमन पछी प्रधानमन्त्री देउवाले निर्माण छिटो भन्दा छिटो सक्न सडक आयोजनाका कर्मचारी र निर्माणमा संलग्न ठेकेदारलाई निर्देशन दिएका छन ।
प्रधानमन्त्री देउवाले  ‘यो लाइफ लाइनको बाटो हो, जनताले धेरै दुःख पाएका छन ,यस क्षेत्रमा धरै दुर्घटना भइसक्यो भन्दै निर्माण चाँडो सक्न आयोजनाका कर्मचारी र निर्माणमा संलग्न ठेकेदारलाई निर्देशन दिएका हुन् । दासढुंगामा प्रधानमन्त्री देउवाले सडक आयोजना र निर्माणमा संलग्न ठेकदारसँग छलफल गरेका थिए । सो अवसरमा आयोजनाका कर्मचारी र निर्माणमा संलग्न ठेकेदार पक्षले अहिलेसम्म भएको प्रगतिबारे प्रधानमन्त्रीलाई जानकारी गराएका थिए ।
प्रधानमन्त्रीका साथमा  भौतिक योजना तथा पूर्वाधारमन्त्री वीरबहादुर बलायर पनि पुगेका थिए । मन्त्री बलायरले अहिलेसम्म किन प्रगति भएन,  चाँडो काम गर्नुपर्यो भन्दै आयोजनाका कर्मचारी र निर्माणमा संलग्न ठेकेदार पक्षलाई चाँडो काम सक्न निर्देशन दिएका थिए ।