‘लोकतन्त्रको आधारशिला संचार’

२० साउन, हेटौँडा । नेकपा एमालेका केन्द्रीय सदस्य लालबाबु यादवले लोकतन्त्रको आधारशिला संचार क्षेत्र भएको बताएका छन् । 
प्रेस चौतारी र एफईएसले शुक्रबार हेटौँडामा गरेको ‘लोकतन्त्रको सशक्तिकरणमा सञ्चारक्षेत्रको भूमिका’ विषय अन्तरक्रिया कार्यक्रममा बोल्दै नेता यादवले लोकतन्त्रको आधारशिला संचार क्षेत्र भएकाले यसको सशक्तिकरणमा पनि उसको मूख्य भूमिका रहने बताए । उनले शान्ति र विकासका लागि संचार क्षेत्रको भूमिका महत्वपूर्ण रहने बताए । उनले सञ्चार क्षेत्रको भुमिका गलत हुँदा समाजमा विग्रह र द्वन्द उत्पन्न हुने भएकाले सचेत रहनुपर्नेमा जोड दिए । 
कार्यक्रममा एमालेका केन्द्रीय सदस्य केदार न्यौपाने, प्रचार विभाग प्रमुख विष्णु रिजाल, जिल्ला अध्यक्ष मुनु सिग्देल, सञ्चारिका समूहकी अध्यक्ष निर्मला शर्मा, चौतारीका केन्द्रीय उपाध्यक्ष विष्णुमणी सुवेदी, बानका केन्द्रीय कोषाध्यक्ष उज्वल चौलागाई, नेपाल पत्रकार महासंघ मकवानपुरका अध्यक्ष हरि हुमागाई, एफईएसका चन्द्रदेव भट्ट, प्रेस युनियन मकवानपुरका अध्यक्ष रुपेश दुलाल लगायतले मन्तव्य व्यक्त गरेका थिए । 
कार्यक्रममा कार्यक्रम संयोजक प्रताप विष्टले लोकतन्त्रको सशक्तिकरणमा सञ्चार क्षेत्रको भूमिका विषयक कार्यपत्र प्रस्तुत गरेका थिए । कार्यक्रम चौतारी मकवानपुरका अध्यक्ष प्रकाश दाहालको अध्यक्षतामा भएको थियो ।