मध्यमाञ्चलमा ५९ करोड राजस्व संकलन

भीमसेन पौडेल

२२ साउन, हेटौँडा । मध्यमाञ्चलका १९ जिल्लाका वन कार्यालयद्वारा एक बर्षमा ५९ करोड रुपैँया राजस्व संकलन गरेका छन् । मध्यमान्चल क्षेत्रीय वन निर्देशनालय, हेटौडाको आयोजनामा आइतबार हेटौडामा भएको प्रगति समीक्षामा यस्तो जानकारी दिईएको हो ।
आव ०७३/०७४ मा राजश्व ५९ करोड संकलन, भूकम्प पिडितलाई १५ हजार घरधुरीलाई ६ लाख क्यूफीट काठ वितरण, १ सय ४२ हेक्टरमा अतिक्रमण नियन्त्रण, ६ सय ४५ हेक्टरमा बृक्षारोपण गरिएको र वन्यजन्तु वापतको राहत १ करोड १९ लाख रुपैयाँ वितरण गरिएको कार्यक्रममा जानकारी गराईएको थियो । कार्यक्रममा आव ०७३/०७४ मा भौतिक प्रगति ९४ प्रतिशत र भारीत प्रगति ८८ प्रतिशत भएको समेत जानकारी गराईएको थियो । 
मध्यमान्चल अन्तरगत रहेका १९ वटा जिल्लाहरुले आव ०७३/०७४ मा गरेका कामहरुको बारेमा छलफल गोष्ठीमा छलफल भएको मध्यमान्चल क्षेत्रीय वन निर्देशनालयका सहायक वन अधिकृत नवराज पुडासैनीले बताए । गोष्ठमिा वन विभाग अनुगमन तथा मूल्याङकन महाशाखा प्रमुख यादव धिताल र राकेश कर्णले कार्यपत्र प्रस्तुत गरेका थिए ।
मध्यमान्चल क्षेत्रीय वन निर्देशक शिवकुमार वाग्लेको अध्यक्षतामा भएको अन्तरक्रिया गोष्ठीमा मध्यमान्चल विकास क्षेत्र अन्तरगत रहेका ४८ कार्यालयका जिल्ला वन अधिकृत, भू–संरक्षण कार्यालयका प्रमुख, टीसीएन लगायतका कार्यालय प्रमुख तथा प्रतिनिधिहरुको सहभागीता थियो ।