मकवानपुरको ११ औं राष्ट्रपति रनिङशिल्ड चैत्र अन्तिमा हुने

संकेतिक तस्विर

७ चैत, हेटौंडा । मकवानपुर जिल्लाको ११ आंै राष्ट्रपति रनिङशिल्ड प्रतियोगिता चैत्र २७ गते देखि हुने भएको छ । जिल्ला समन्वय समितिका प्रमुख रघुनाथ खुलालको अध्यक्षतामा शुक्रवार बसेको प्रतियोगिता निर्देशक समितिको बैठकले मिति निर्धारण गरेको हो । 
गत वर्ष कोभिडका कारण हुन नसकेको प्रतियोगित यस बर्ष चैत्र भित्रै सक्न प्रदेश खेलकुद परिषदबाट निर्देशन आए पछि तयारी सुरु गरिएको खेलकुद विकास समितिका प्रमुख राजन दाहाल खुशराजले जानकारी दिए । 
बैठकले स्थानिय तहस्तरिय छनौट यही चैत्र २० गते भित्र सम्पन्न गर्न र नतिजा खेलकुद विकास समितिमा पठाउन स्थानिय तहहरु संग अनुरोध पनि गरेको छ । प्रतियोगितामा एटलेटिक्स, भलिवल कवड्डी,सितेरियो कराते,तेक्वान्दो र उसु समावेश गरिने भएको छ । नवौं र दशौं प्रतियोगितामा प्रथम भई बकैयाको जनकमाविले शिल्ड जितेको छ । अव यस पटक पनि उसैले जिते शिल्ड पचहुने दाहालले जानकारी दिएका छन् ।
प्रतियोगितामा ४८ स्वर्ण पदकका लागि प्रतिष्पर्धा हुने गर्दछ । स्थानिय तहबाट एटलेटिक्समा प्रथम र द्धितीय तथा अन्य टीम र समुह गेममा भने प्रथम टिम मात्र जिल्ला खेल्न आउने पनि दाहालले जानकारी दिए ।
प्रतियोगिता सम्पन्न गर्न तथा विजेता खेलाडीलाई प्रदेशमा सहभागि गराउन करिव दश लाख खर्च लाग्ने तर सरकारले चार लाख मात्र रकम निकासा गर्ने समितिका अध्यक्ष सानुकुमार लामाले बताए । 
बैठकमा जिल्ला प्रशासन कार्यालय, जिल्ला प्रहरी, शसस्त्र प्रहरी, नेपाली सेना, शिक्षा समन्वय ईकाई, प्याव्सन, शिक्षक महासंघ, करोते, तेक्वान्दो, उुसु, भलिवल तथा एथलेटिक्स संघका प्रतिनिधिहरुको सहभागिता थियो ।