आज तराईका जिल्लाहरुमा धुमधामकासाथ होली पर्व मनाइँदै

google

१६ चैत, हेटौंडा । हिजो आइतबार नेपालको पहाडी तथा हिमाली जिल्लाहरुमा धुमधामका साथ मनाइएको फागु पूर्णिमा अर्थात होली पर्व आज  तराईका जिल्लाहरुमा मनाईदै छ ।
धार्मिक तथा संस्कृत महत्व बोकेको होली नेपालमा दुईदिन मनाईने प्रचलन छ । होली पर्व आज तराईका जिल्लाहरुमा रंग र अबीर लगाएर मनाइँदै छ । 
होली पर्वको आफ्नै धार्मिक, साँस्कृतिक र सामाजिक महत्व छ । दैत्यराज हिरण्यकश्यपुले आफ्ना पुत्र प्रल्हादलाई मार्ने उद्देश्यले आगोले छुन नसक्ने बरदान पाएकी बहिनी होलिकालाई छोरा सहित आगोमा पस्न लगाउँदा होलिका भष्म भएकी र प्रल्हाद बच्न सफल भएको खुशियालीमा होली मनाउने गरिएको धार्मिक विश्वास छ ।
परम्परागत रूपमा विभिन्न रङ खेली होली अर्थात फागु पर्व मनाउने चलन छ । होलीले आपसी सद्भाव, भातृत्व र आत्मीयता बढाउन सहयोग पुर्याउँछ । होलीका अवसरमा विभिन्न सांगीतिक तथा साँस्कृतिक कार्यक्रम गरेर खुसी साटासाट गर्ने गरिन्छ । 
होलीका अवसरमा सरकारले हिजो आइतबार पहाडी र हिमाली जिल्लाहरुमा तथा आज तराईका जिल्लाहरुमा सार्वजनिक विदा दिएको छ । 
यसैविच सरकारले यसबर्षको होलीमा पनि कोरोनाको त्रास यथावत रहेको र जोखिम कायमै रहेकाले संयमता र सम्पूर्ण स्वास्थ्यका मापदण्ड पुरा गरेर होली खेल्न आग्रह गरेको छ । 
सरकारले सकारले सामुहिक रुपमा होली नखेल्न, भीडभाड गर्ने तथा लोला पानी हाल्ने काम नगर्न सबैसँग अनुरोध गरेको छ । 
गृह मन्त्रालयले सूचना निकालेर लोलापानी फ्याँक्ने, रंग तथा अबिर दल्ने काम जोखिमपूर्ण हुने हुँदा यस्ता गतिबिधि नगर्न पनि अनुरोध गरेको छ ।