हेटौंडामा महिला हिंसाको अवस्थाको बारेमा छलफल

२१ चैत,हेटौंडा। हेटौंडामा महिला हिंसा सम्बन्धी अन्तरक्रिया कार्यक्रम सम्पन्न भएको छ। 

राष्ट्रिय आर्थिक सरोकार समाजको आयोजना तथा जिल्ला प्रहरी कार्यालय मकवानपुरको सहकार्यमा महिलासंग सम्बन्धित सेवारत संघ संस्थाहरुसंग अन्तरक्रीया कार्यक्रम सम्पन्न भएको हो । 

अन्तरक्रियामा मकवानपुरमा महिला हिंसा न्यूनिकरणका लागि कृयाशिल विभिन्न संघसंस्थाका प्रतिनिधिसँग घरेलु हिंसा र महिला हिंसा विषयक अन्तरक्रिया कार्यक्रम सम्पन्न भएको हो । 

कार्यक्रममा  प्रहरी,संचारकर्मी,जनप्रतिनिधि सहित माईती नेपाल मकवानपुरका प्रतिनिधि, साना हात संस्था,मानव सेवा आश्रम लगायतका प्रतिनिधिहरुको उपस्थितिमा  महिला,बालबालिकामा हुने हिंसा र अवस्थाको बारेमा  छलफल गरिएको थियो । 

कार्यक्रममा जिल्ला प्रहरी कार्यालय मकवानपुरका  प्रहरी नायव उपरिक्षक जयश्वर रिमाल, सञ्चारकर्मी सुनिल शिवाकोटी, हेटौंडा २ का वडा सदस्य महेश्वरमान श्रेष्ठ,वडा नम्बर ४ का वडा सदस्य राजेन्द्र बस्ताकोटीले महिला हिंसा बढ्दै जानुको मुख्य कारण गरीबी, देशको राजनैतिक असन्तुलन,सामाजिक सञ्जालको दुरुपयोग र अशिक्षाको  भएको बताएका छन।  

कार्यक्रममा सहभागी सरोकारवाला निकायका प्रतिनिधिले हिंसा अन्त्यका लागि सबै एकजुट हुन समेत आग्रह गरेका थिए ।कार्यक्रम समाजकी अनुसन्धान संयोजक दुर्गा थापाको सभाध्यक्षता र मकवानपुरका निमित्त प्रहरी प्रमुख प्रहरी नायव उपरीक्षक जयश्वर रिमालको प्रमुख आतिथ्यतामा सम्पन्न भएको थियो ।