नेपाल पत्रकार महासंघको नयाँ नेतृत्वका लागी आज निर्वाचन, देशैभर एकसाथ मतदान हुँदै

google

२५ चैत, हेटौंडा । नेपाल पत्रकार महासंघको नेतृत्व चुन्न आज देशैभर एकसाथ निर्वाचन हुँदैछ । महासंघको नेतृत्व चुन्न देशैभर एक साथ प्रत्यक्ष निर्वाचन प्रणालीमार्फत् निर्वाचन गर्न लागिएको हो ।
केन्द्रीय, प्रदेश, जिल्ला र सम्बन्धित शाखाहरुको नेतृत्व चयनका लागि महासंघले एक साथ मतदानको व्यवस्था मिलाएको हो । देशभरका करिब एक सय मतदान केन्द्रमा महासंघका १३ हजार सदस्यले मत दिने व्यवस्था मिलाइएको केन्द्रीय निर्वाचन समितिका संयोजक कपिल काफ्ले जानकारी दिए ।
महासंघको नेतृत्वमा पुग्न विभिन्न राजनीतिक दलनिकट पत्रकारका संघठनहरुले प्यानल बनाएर चुनावी मैदानमा होमिएका छन् । यस्तो प्यानल केन्द्रदेखि प्रदेश, जिल्ला हुँदै शाखाहरुसम्म बनेको छ । अध्यक्षदेखि सदस्यसम्म विभिन्न पदका लागि हुने निर्वाचनमा कतिपय स्थानमा भने निर्विरोध घोषणा पनि गरिसकिएको छ ।
महासंघको केन्द्रीय समितिको ४९ पदाधिकारीका लागि मतदान हुनेछ भने प्रदेश र शाखाहरुले पनि आ–आफ्ना समिति निर्माणका लागि निर्वाचन गराउने छन् । निर्वाचनमा १३ हजार १२२ मतदाताले मताधिकार प्रयोग गर्न पाउने छन् ।
महासंघको नयाँ नेतृत्वका लागि विपुल पोखरेल र निर्मला शर्मा प्यानलसहित चुनावी मैदानमा रहँदा गजेन्द्र बुढाथोकी महासंघमा शुद्धीकरणको नारासहित चुनावी प्रतिष्पर्धामा छन् । उम्मेदवारहरुले श्रमजिवी पत्रकारको पेशागत सुरक्षा र पत्रकार महासंघको शुद्धीकरणलाई मुख्य मुद्दा बनाएका छन् ।्
मकवानपुर जिल्लमा लोकतान्त्रिक नेपाल प्रेस युनियन मकवानपुर र प्रेस संगठनका मिलेर बनेको प्रगतिशिल गठबन्धनका तर्फबाट अध्यक्षमा मणिराज गौतम र नेकपा ओली र माधव नेपाल निकट प्रेस चौतारीका तर्फबाट बालकृष्ण अधिकारीले उम्मेदवारी दिएका छन् । 
यस्तै, उपाध्यक्षमा प्यानलबाट धु्रव अधिकारी र चौतारीबाट राजन दाहालले उम्मेदवारी दिएका छन् भने महिला उपाध्यक्षमा सरला अधिकारी र सम्झना रिजालले उम्मेदवारी परेको छ । शुभलक्ष्मी विक, रामशरण दुलाल र इन्द्रबहादुर बञ्जरा (रमेश) को उम्मेदवारी सचिव पदमा रहेको छ । 
यसैगरी सहसचिवमा देवराज पन्त, यमप्रसाद पौडेल (एमपी) र राज सापकोटाको उम्मेदवारी खुला सहसचिवमा रहेको छ भने समावेशी सहसचिवमा मन्दिरा बानियाँ (मानवी) र रुपक कालिराजले उम्मेदवारी दर्ता गराएका छन् । कोषाध्यक्षमा केशव समर्पण सुवेदी र तिलक अधिकारीले उम्मेदवारी दिएका छन् ।
महिला सदस्यमा प्रतिक्षा न्यौपाने र रुपा गुरुङले उम्मेदवारी दिएका छन् भने अदिवासी जनजाती सदस्यमा अजिता नगरकोटी र नवराज बाइबा तथा मधेशी सदस्यमा आदित्य कर्ण र मनिल महतोले उम्मेदवारी दर्ता गराएका छन् । यस्तै, दलित सदस्य पदमा शान्ति सुनार निर्विरोध निर्वाचित भएका छन् । ७ सदस्य खुला पदका लागि १७ जनाको उम्मेदवारी परेको छ ।
यस्तै, प्रदेश परिषद् सदस्य खुलामा गणेश दर्पण अधिकारी, छविलाल श्रेष्ठ, विश्वराम अधिकारी (विवश), रवीन्द्र गौतम, शिव चौंलागाईं, सुजन ढकाल र सुनिल शिवाकोटीले उम्मेदवारी दिएका छन् । प्रदेश परिषद् सदस्य खुलामा ५ जना आवश्यक छ । यस्तै, २ जना प्रदेश परिषद् सदस्य (महिला) पदमा अञ्जली थापा, आरती ढकाल र भावना रिजालको उम्मेदवारी परेको छ । 
यस्तै, प्रदेश परिषद् सदस्य (आदिवासी जनजाति)मा २ जनाका लागि अमर लामा, अशोक सुजन श्रेष्ठ, रञ्जीता डंगोल र रोशन श्रेष्ठले उम्मेदवारी दिएका छन् । प्रदेश परिषद् सदस्य (दलित) मा भने कृष्णराम परियार निर्विरोध निर्वाचित भएका छन् ।
केन्द्रीय परिषद् सदस्य (खुला) मा २ जनाका लागि ४ जनाको उम्मेदवारी परेको छ । भानुभक्त आचार्य, राजन (खुशराज) दाहाल, रामकुमार एलन र रिपेश दाहालले उम्मेदवारी दिएका छन् । केन्द्रीय परिषद् सदस्य (महिला) मा एक जनाको लागि नानीमैया विष्ट र सरिता दाहालको उम्मेदवारी परेको छ । केन्द्रीय परिषद् सदस्य (आदिवासी जनजाति) मा सुवर्णलाल श्रेष्ठ निर्विरोध निर्वाचित भएका छन् । 
निर्वाचन कार्यक्रम आज हेटौंडा उपमहानगरपालिका वडा नम्बर ५ मा रहेको हेटौंडा रिगल रिसोर्टमा हुने छ ।