भुटनदेवी क्लवको अध्यक्षमा राजु विष्ट चयन 

२९ चैत, हेटौंडा । २०४० सालमा स्थापना भएको भुटनदेवी क्लवको अध्यक्षमा राजु विष्ट चयन भएका छन् । शनिबार भएको क्लवको ३७ औँ वार्षिक साधारणसभाले विष्टलाई अध्यक्षमा सर्वसम्मत चयन गरेको हो र
विष्टको अध्यक्षतामा १५ सदस्यीय नयाँ कमिटी  निर्माण भएको हो । क्लवको उपाध्यक्षमा हरिकृष्ण केसी, सचिवमा रामहरी खरेल, कोषाध्यक्षमा उर्मिला लामा चयन भएका छन् । 
यसैगरी सदस्यमा सुनिल कर्माचार्य, नरेश गुरुङ, बिपुल गुरुङ, रवि केसी, राकेश महर्जन, टिका श्रेष्ठ, मायादेवी कडेल, डेनिश न्यौपाने, सनम महर्जन, सुमित आचार्य, पुण्यवती बल चयन भएका छन् । 
क्लवले खेलकुद संयोजकमा सञ्जय थापा, साहित्यिक क्रियाकलाप संयोजकमा शैलेश बास्कोटालाई चयन गरेको छ । क्लवका अध्यक्ष आशिष  श्रेष्ठको अध्यक्षतामा भएको कार्यक्रममा हेटौंडा १० नम्वर वडा अध्यक्ष प्रताप सिं लामाको प्रमुख आतिथ्यता रहेको थियो । 
कार्यक्रममा संस्थाका अध्यक्ष आशिष श्रेष्ठ र कोषाध्यक्ष चन्द्रबहादुर लामालाई सम्मान गरिएको छ भने आशिष श्रेष्ठले क्लवको लागि ५१ हजार रुपैयाँ सहयोग गरेका छन् । 
कार्यक्रममा हेटौंडा १० नम्वर वडा सदस्य धर्म बस्नेत, भुटनदेवी टोल विकास समितिका अध्यक्ष घनश्याम सापकोटा, मर्निङ हेल्थ क्लवका अध्यक्ष सुदेशकुमार श्रेष्ठलगायतको आतिथ्यता रहेको थियो ।