रानी वनका पदाधिकारीहरुले पद तथा गोपनियताको सपथ लिए

२९ चैत, हेटौंडा । हेटौडा ६ चौघडामा रहेको रानी सामुदायिक वन उपभोक्ता समूहको नवनिर्वाचित पदाधिकारीहरुले सपथ लिएका छन् ।  निर्वाचन समितिका संयोजक रमेश प्रसाद लामिछानेले सर्वसम्मत निर्वाचित भएको कार्यसमितिलाई पद तथा गोपनियताको शपथग्रहण गराएका हुन् । 
वन समूहको नवनिर्वाचित अध्यक्षमा विष्णुप्रसाद न्यौपाने, उपाध्यक्षमा केशव धिताल, सचिवमा नानीमाया रुम्वा, सहसचिवमा दीपक सापकोटा र कोषाध्यक्षमा गोमा लामिछाने रहेका छन् । 
यसैगरी जनजाती महिला सदस्यमा जोगमाया राई, महिला सदस्यमा सन्ध्या श्रेष्ठ, अमुना सापकोटा, अनिता बुढाथोकी, पार्वती न्यौपाने, सदस्यमा सूर्यप्रसाद दुलाल र शत्रुघन दुलाल चयन भएका हुन् । १३ सदस्यीय कार्यसमितिमा एक दलित महिला सदस्य कार्यसमितिले मनोनित गर्ने बताईएको छ । 
हेटौडा ६ का वडा अध्यक्ष अर्जुनप्रसाद चौलागाईको प्रमुख आतिथ्यतामा भएको कार्यक्रममा सामुदायिक वन उपभोक्ता महासंघ बागमती प्रदेशका सचिवालय सदस्य रामहरि चौलागाई, मकवानपुर अध्यक्ष साधुराम चौलागाई, सव डिभिजन वन कार्यालय हेटौडाकी सहायक वन अधिकृत गायत्री शर्मा, समूहका निवर्तमान अध्यक्ष कृष्ण बिडारी, पूर्व अध्यक्ष बलराम अधिकारी, कामधेनु बहुउद्धेश्यीय सहकारी संस्थाका अध्यक्ष उदय बिडारी, निर्वाचन समितिका सदस्य रुपेश दुलाल, कार्यालय सचिव भीमसेन पौडेल लगायतकाले मन्तव्य व्यक्त गरेका थिए ।