रेडियो थाहा सञ्चार र गैसस महासंघ मकवानपुरको नवनिर्वाचित पत्रकारलाई सम्मान

३१ चैत,हेटौंडा । नेपाल पत्रकार महासंघको  नवनिर्वाचित केन्द्रीय सदस्य तथा पार्षद,बागमती प्रदेश उपाध्यक्ष महासचिव,सदस्य तथा मकवानपुर शाखाका पदाधिकारीलाई स्वागत तथा सम्मान गरिएको छ। 

आज एक कार्यक्रमको आयोजन गर्दै रेडियो थाहा संचार र गैर सरकारी संस्था महासंघ मकवानपुरले नवनिर्वाचित पत्रकारलाई स्वागत तथा सम्मान गरेको हो।  

रेडियो थाहा सञ्चारकी सञ्चालिका अस्मिता  सुमार्गी र अजय सुमार्गीले केन्द्रीय सदस्य पदमा निर्वाचित सुनिल खड्का,प्रदेश महासचिव कृष्ण सारुमगर, प्रदेश सदस्य सुदिप शिवाकोटी  सहित मकवानपुर शाखामा निर्वाचित अध्यक्ष मणिराज गौतम, केन्द्रीय तथा बागमती प्रदेश पार्षदलाई टिका खादा ओडाएर स्वागत तथा सम्मान गरेका हुन। 

त्यसैगरी गैर सरकारी संस्था महासंघ मकवानपुरले पनि एक कार्यक्रमको आयोजन गर्दै पत्रकार महासंघमा नवनिर्वाचित पदाधिकारीलाई स्वागत तथा सम्मान गरेको हो।गैसस महासंघ मकवानपुरले नवनिर्वाचित पत्रकारलाई खादा लगाएर स्वागत तथा सम्मान गरेको हो। 

गैसस मकवानपुरका अध्यक्ष कृष्ण प्रसाद धितालको सभाध्यक्षतामा सम्पन्न कार्यक्रममा गैसस महासंघका केन्द्रीय सदस्य बुद्ध शरणा लामा,नेपाल पत्रकार महासंघ केन्द्रीय सदस्य सुनिल खड्का,बागमती प्रदेश उपाध्यक्ष सम्झना कार्की,महासचिव कृष्ण सारुमगर,गैसस प्रदेश सदस्य कमल विक,फेकोफन मकवानपुर अध्यक्ष साधुराम चौलागाई,गैसस मकवानपुरका सल्लाहकार कृष्ण प्रसाद दाहाल,सिताराम बर्तौला, प्रकाश खतिवडालगायतका गैसस महासंघ मकवानपुर उपाध्यक्ष रमिला सापकोटा लगातकको उपस्थिति रहेको थियो।