हेटौंडा ६ मा २७ सदस्यीय कोभिड रेस्पोन्स कार्यदल गठन

२ जेठ, हेटौंडा । हेटौंडा उपमहानगरपालिका वडा नम्बर ६ मा कोभिड १९ सामुदायिक रेस्पोन्स कार्यदल गठन भएको छ । कोरोना भाईरसको जोखिम र यसको न्यूनिकरणका लागि वडा तहबाट पहल गर्ने उदेश्यले कार्यदलको गठन गरिएको हो । 
हेटौंडा वडा नम्बर ६ का अध्यक्ष अर्जुनप्रसाद चौलागाई संयोजक रहने गरी वडामा रहेका टोलविकास संस्था र क्षेत्रगत रुपका व्यक्तिहरुको पहिचान गरी २७ सदस्यीय कार्यदल गठन गरिएको हो । कार्यदलको सहसंयोजकमा भरत सापकोटा र सदस्य सचिवमा हेटौंडा स्वास्थ्य चौकी चौघडाका प्रमुख टिएन ढुंगेल रहेका छन् ।
शनिबार सामाजिक दुरी कायम गर्दै बसेको बैठकले निर्माण गरेको कार्यदलमा गौरीटार क्षेत्रबाट बासु खतिवडा, शोभा खतिवडा, हात्तिलेटबाट समाधान सापकोटा, लक्ष्मण पौडेल, सुपेन्द्र खनाल, रामनगर पन्ध्रविगाह क्षेत्रबाट भावना रिजाल, विजय पौडेल सदस्य रहेका छन् । यस्तै कल्याणटार क्षेत्रबाट सरिता मिश्र, विश्वराज राई, पुतलीबजारबाट रुपेश दुलाल, न्यूरेनीबाट गुप्तप्रसाद पौडेल, लव राई, रहेको सदस्य सचिव ढुंगेलले जानकारी दिए । 
यसैगरी चौघडा चुच्चेखोलाबाट रामहरि तिमल्सिना, पवन दुलाल, शोभा घिमिरे, गौरव पराजुली केशव धिताल, शोनी गुरुङ, पुष्पराज पराजुली, निलाम्बर सापकोटा, वडा सदस्य राजकुमार बास्तोला, प्रहरी चौकी चौघडा र सिद्धस्थली ग्रामिण सामुदायिक अस्पतालका प्रतिनिधि सदस्य रहेका छन् ।
कार्यदल गठन भएको पहिलो दिनमै संक्रमितहरुका लागि सहयोग र परामर्श एवम् राहत कार्यका लागि २५ हजार रुपैयाँ नगद संकलन भएको छ । कार्यदलमानै रहेका सदस्यहरुबाट उक्त रकम संकलन भएको हो । कार्यदललाई हेटौंडा १७ चुच्चेखोलाका युवा व्यवसायी उदय विडारीले २ सय लिटर डिजल, १० बोरा चामल र १ बोरा दाल सहयोग गरेका छन् । 
हालसम्म हेटौंडा ६ मा ५५ जना संक्रिय संक्रमित रहेका छन् । सबै संक्रमितहरुसंग प्रत्यक्ष रुपमा स्वास्थ्य चौकीले सम्पर्क एवम् समन्वय गरिरहेको कार्यदलका सदस्य सचिव एवम् स्वास्थ्य चौकीका प्रमुख टिएन ढुंगेलले जानकारी दिए ।