हेटौंडा अस्पताललाई अक्सिजन सिलिन्डर र स्वास्थ्य सामाग्री सहयोग

७ जेठ,हेटौंडा। मकवानपुरको हेटौंडामा रहेको हेटौंडा अस्पताललाई मकवानपुर उद्योग वाणिज्य संघले अक्सिजन सिलिन्डर तथा हेटौंडा खानेपानी बोर्डले स्वास्थ्य सामाग्री सहयोग गरेको छ।  

मकवानपुर उद्योग बाणिज्य संघका उपाध्यक्ष कृष्ण अग्रवालले खरिद गरेको ८५ थान सिलिण्डर मध्ये ५९ थान अक्सिजन सिलिन्डर हेटौंडा अस्पताललाई प्रदान गरिएको हो ।

शुक्रबार नेपाली कांग्रेस बागमती प्रदेश संसदीय दलका नेता ईन्द्रबहादुर बानियाँको प्रमुख आतिथ्यतामा हेटौंडा अस्पताल व्यवस्थापन समितिका अध्यक्ष राजेश प्रसाईलाई सिलिण्डर हस्तान्तरण गरिएको हो। हस्तान्तरण कार्यक्रममा संघका अध्यक्ष कृष्ण कटुवाल, उपाध्यक्ष कृष्ण कुमार गुप्ता (अग्रवाल), पदाधिकारीहरु,संघका सल्लाहकार नेपाली कांग्रेस कोभिड १९ अनुगमन समितिका संयोजक उत्सव इटेनी, पुरानो नारायणी संघ, निर्माण व्यवसायी संघ, औषधी व्यावसायी संघका प्रतिनिधिहरु, उपभोक्ता अधिकारकर्मी उपस्थिती रहेको थियो ।

त्यसैगरी हेटौंडा खानेपानी व्यावस्थापन बोर्ड हेटौंडा अस्पताललाई स्वास्थ्य सामग्री सहयोग गरेको छ। बोर्डले आफ्नो वार्षिक उत्सबका अवसरमा अस्पताललाई स्वास्थ्य सामाग्रि सहयोग गरेको छ । बोर्डले ७०थान पीपीइ सेट, ५० लिटर सेनिटाइजर, २ हजार थान मास्क सहयाेग गरेकाे हो । खानेपानी बोर्डका अध्यक्ष प्रताप विष्ट र सदस्य कृष्ण कटुवालले अस्पतालका अध्यक्ष प्रसाईलाई उक्त सामाग्री हस्तान्तरण गरेका हुन् ।