मकवानपुरमा निषेधाज्ञा जेठ २० सम्म, आजबाट थप कढाई गरिँदै

१४ जेठ, हेटौंडा । कोरोना संक्रमण दर बढ्दै गएपछि सुरु गरिएको निषेधाज्ञा आज शुक्रबारबाट थप कढाईका साथ लागू हुने जिल्ला प्रशासन कार्यलय मकवानपुरले जनाएको छ । 
यसअघि बिहीबारसम्म रहेको निषेधाज्ञा तेस्रो पटक थप कढाई सहित राति १२ बजेदेखी लागू हुने गरी जेठ २० गते सम्म लम्ब्याइएको छ । गएको मंगलबार बसेको डिसिसिएमसीको बैठकले जारी निषेधाज्ञा एक साता लम्ब्याउँदै जेठ २० गतेसम्म पु¥याएको हो । 
कोरोना संक्रमण बढ्दै गएपछि यसबर्ष पहिलोपटक बैशाख १९ गतेबाट बैशाख ३१ गतेसम्म मकवानपुरको ४ स्थानीय तहमा निषेधाज्ञा लगाइएको थियो । 
निषेधाज्ञाको समयमा औषधि उपचार र खाद्य वस्तु तोकिएको समयमा खरिद गर्न नजिकका पायक पर्ने स्थानमा जान बाहेक बिना काम घर बाहिर निस्कन, मर्निङ तथा इभनिङ वाकमा जान र हिँड्डुल गर्न मनाही गरिएको छ ।
अति आवस्यक उपभोग्य वस्तुहरु खाद्यन्न, पानी, दूध, माछा मासु, अण्डा, फलफुल तथा तरकारी जस्ता सामाग्री विक्री वितरण गर्ने पसलहरु विहान ५ बजेदेखि विहान ८ बजेसम्म मात्र खोल्न पाईने र औषधि पसल, पेट्रोल पम्प, ग्याँस डिपो, अक्सिजन सिलिण्डर पसल नियमित सञ्चालन गर्नुपर्ने व्यवस्था गरिएको छ ।
निषेधाज्ञा अवधिभर प्रशसन कार्यलयले हेटौंडा बजार क्षेत्रभित्र औषधि पसल, अक्सिजन सिलिण्डर, कृषी बीउबीजन तथ मल विक्री वितरण गर्ने पसल र भेटनरी बाहेक सबै पसल तथा व्यवसायहरु पूर्णरुपमा बन्द रहने जनाएको छ ।