प्राधिकरण हेटौंडा वितरण केन्द्रका प्राविधिक रुझेरै फिल्डमा काम गर्दै

रुझेरै विद्युत मर्मतमा जुटदै एक प्राविधिक

सुनिल शिवाकोटी 

१४ जेठ,हेटौंडा । नेपालमा यति बेला कोरोनाको जोखिम कायमै रहेको छ भने मनसुन सक्रिय हुदा भारी बर्षा भइरहेको छ।यति बेला विद्युत हामी सबैको अपरिहार्य बनेको छ। कोरोनाले सबैलाई घरभित्र बस्न भनेको छ। घरभित्र बस्दा हामी टिभि,इन्टरनेट,मोबाइलमै मन भुलाइरहेका छौ।घरभित्रै रहदा बत्ती जाने समस्या कायम रहेको छ।बत्ती जाने बित्तिकै हामी प्राधिकरणको फ्युज शाखामा फोन गर्छौ । कहिले फ्युज शाखामा फोन सक्काउदा नसक्काउदै बत्ती आउछ त कहिले घण्टौ आउदैन। फ्याट्ट फ्याट्ट लाइन जाने समस्यालाई समाधान गर्न नेपाल विद्युत प्राधिकरणका प्राविधिक टोली लागिपरेका छन। 

कोरोना र बर्षालाई वेवास्ता गर्दै नेपाल विद्युत प्राधिकरण हेटौंडा वितरण केन्द्रका प्राविधिक टोली विद्युत आपूर्ति बन्द भएको स्थानमा नियमित मर्मत संहारमा जुटि विद्युत आपूर्ति सहज गर्न लागिरहेका छन।

मकवानपुरमा कोरोना पोजेटिभ हुनेको संख्यामा वृद्धि हुदै गइरहेको  छ भने पश्चिमी बङ्गालको खाडीमा विकसित जलवायु परिवर्तनका कारण केही दिनदेखि भारी बर्षा भइरहेको छ।  

कोरोना र बर्षाको समयमा पनि नेपाल विद्युत प्राधिकरण हेटौंडा वितरण केन्द्रका प्राविधिक विपदको प्रवाह नगरी विद्युत आपूर्ति बन्द रहेको स्थानमा आपूर्ति सहज गर्न मर्मत सम्भारमा जुटेका हुन। 

नेपाल विद्युत प्राधिकरण हेटौंडा वितरण केन्द्रका प्रमुख योगेन्द्र ठाकुरले प्रष्टखबरसँग कुरा कोरोनाको समयमा जारी निषेधाज्ञाको समयमा सबै घरभित्र रहेको अवस्थामा विद्युतको माग बढि रहेकोले लाइन सट डाउन भएको स्थानमा प्राविधिकहरु विद्युत 'सट अन' गर्न कोरोना र विपतलाई बिर्सिएर लागी परेको बताए।ठाकुरले बर्षाको समयमा बढी लाइन फ्लट भई  सट डाउन हुने हुदा प्राविधिक कर्मचारी २४ घण्टा फिल्डमा खटिइएको बताए।  

वितरण केन्द्रबाट ९ वटा फिडरबाट लाइन बितरणी गरिएको र मर्मतका लागि मनहरी,छतिवन,भिमफेदीमा-४।४ जना,फापरवारी र हेटौंडा-७ नाग्स्वतीमा २।२ जना,पदमपोखरी र हटियामा ३।३जना र हेटौंडानगरभित्र २० जना र जटिल मर्मत सम्भारका लागि ४ जनागरी ४५ भन्दा बढी प्रविधिक टोली  कोरोनाको जोखिमलाई मध्यनजर गरी स्वास्थ्य मापदण्ड अपनाएर फिल्डमा खटाइएको नेपाल विद्युत प्राधिकरण हेटौंडा वितरण केन्द्रका प्रमुख ठाकुरले बताए। 

'हाम्रो लक्ष्य आपूर्ति बन्द हुदा पनि छिटो भन्दा छिटो मर्मत सम्भार गरी आपूर्ति सहज गराउनु हो,यस कार्यमा म आफै लागिपरेको  छु-ठाकुरले दाबी गरे।  

'प्राविधिक समस्या हुनुभन्दा अगाडी थाहा हुदैन,थाहा पाउनासाथ हामी सल्ब गर्छौ,लाइन सट डाउन हुँदा ग्राहकले आक्रोश पोख्नुहुन्छ,ग्राहकको आक्रोशलाई सल्लाह सुझाव मान्दै काम गरिरहेका छौ- ठाकुरले भने।उनले जोखी आफुहरुलाई पनि भएको बताउदै कोरोनाको जोखिम र अविरल वर्षाको प्रवाहनगरी २४ सै घण्टा प्राविधिक टोली फ्लट सल्ब गर्न लागिपरेको बताए।