डिएसपी गौतमको  सरुवा

   
१ भदौ ,हेटौँडा । बुधबार बसेको गृहमन्त्रालको सचिवस्तरको बैठकले १९० जना प्रहरी नायव उपरीक्षक (डिएसपी)हरुको सरूवा गरे संगै प्रहरी कार्यालय मकवानपुरका प्रहरी नायव उपरीक्षक बामदेव गौतमको पनि सरुवा भएको छ । गौतमको जिल्ला प्रहरी कार्यालय पाँचथरमा सरुवा भएको हो । 
१७ महिनादेखि जिल्ला प्रहरी कार्यालय मकवानपुरमा कार्यरत इमान्दार, र मकवानपुरे जनता ,मिडिया र राजनीतिक दलको साथमा सहकार्य गर्ने रुचाउने गौतमको सरुवा भएसंगै प्रधान कार्यालय श्रव्य दृष्य शाखा काठमाडौंका प्रहरी नायव उपरीक्षक दिलिपराज झा प्रहरी नायव उपरीक्षकको रुपमा आउने भएका छन । सरुवा भएका गौतामले प्रस्ट खबरसँग कुरा गर्दै आफ्नो मकवानपुरको बसाई फलदायी रहेको र आफ्ना  कार्यअवधीमा  स्थानिय तहको निर्वाचन शान्तिपुर्ण रुपमा सम्पन्न भएको , सडक विस्तार देखी दुर्घटना न्यूनिकरण सम्बन्धि विविध कार्यक्रम,शहर देखि गाउँ सम्म लागु औषध नियन्त्रणको प्रयासमा कदम चालेको र यस जिल्लाबाट धेरै कुरा सिक्ने मौका पाएको बताए । त्यसैगरी मध्य क्षेत्रीय प्रहरी कार्यालय हेटौडामा प्रहरी नायव उपरीक्षक विनोद शर्मा, क्षेत्रीय शशस्त्र प्रहरी गण नं ३ मुख्य कार्यालय हेटौडामा प्रहरी नायव उपरीक्षक कवित कटुवाल आउँने भएका छन ।