अन्डर १६ फुटसल प्रतियोगिता हुने

 तस्विरः सुनिल शिवाकोटी/प्रस्ट खबर  

सुनिल शिवाकोटी 

३ भदौ , हेटौडा । हेटौँडा पहिलो पटक संस्थागत विद्यालयका विद्यार्थीहरुलाई लक्षित गरेर अन्डर १६ विद्यालय स्तरीय फुटसल प्रतियोगिता हुने भएको छ । 

आज हेटौँडामा पत्रकार सम्मेलनको आयोजना गरी प्रतियोगिताको बारेमा जानकारी गराईएको हो  । हेटौँडा फुटसलको आयोजनामा तथा प्याब्सन मकवानपुरसँगको सहकार्यमा यही भदौ २३ र २४ गते  सम्म चल्ने प्रतियोगितामा जील्लाभरीका करिब ३० देखी ३५ वटा निजी विद्यालयहरुको सहभागीतमा रहेने बताईएको छ ।  पत्रकार सम्मेलनमा बोल्दै आयोजक हेटौँडा फुटसलका संचालक यम सिलवालले विद्यालय तहदेखि नै फुटसल खेललाई व्यवसायीक रुपमा प्रवर्धन गर्न र विद्यार्थीहरुको शारिरिक तथा मानसिक तन्दुरुस्ती कायम गर्ने उद्धेश्यका साथ  प्रतियोगिता आयोजना गर्न लागिएको बताए । हेटौडा सिटी कलेज, ग्रनि पब्लिकेसन, संगम पब्लिकेसन, नेचर पब्लिकेसन , मण्डियाल स्र्पोट र गुगल स्र्पोट लगायतको प्रायोजन रहने प्रतियोगितामा प्रथम नगर ३० हजार सहित शिल्ड र मेडल  द्वितिय हुने टिमलाई २० हजार रुपैयाँ सहित शिल्ड मेडलले पुरस्कृत गरिने प्याब्सन मकवानपुरका उपाध्यक्ष अनिल पाण्डेले बताए ।  
नेपाल सरकारका पुर्व खेलकुदमन्त्री पुरुषोत्तम पौडेलले   उद्घाटने गर्ने प्रतियोगितामा  फुटबलका राष्ट्रिय खेलाडीहरु बिमल घर्ती मगर, अन्जन बिष्ट, रन्जन बिष्ट, एलन न्यौपाने, सुनिल बल लगायतलाई सम्मान गरिने आयोजकले जानकारी दिएको छ ।
पत्रकार सम्मेलनमा मकवानपुर जिल्ला खेलकुद विकास समितिका अध्यक्ष माधव तिमल्सीना, जिल्ला फुटबल संघका अध्यक्ष राजेन्द्र श्रेष्ठ,  पत्रकार महासंघ मकवानपुरका उपाध्यक्ष कुमार अधिकारी , नेपालकी राष्ट्रिय टिमका खेलाडी रञ्जन विष्ट  लगायतको उपिस्थीत रहेको थियो  ।