कोभिड-१९ सामुदायिक रेसपोन्स कार्यदलद्वारा आयव्यय विवरण सार्वजनिक

२५ जेठ, हेटौंडा । कोरोना भाईरसलाई नियन्त्रण गर्न हेटौडा ६ र १७ मा गठन भएको कोभिड-१९ सामुदायिक रेस्पोन्स कार्यदलले आय व्यय विवरण सार्वजनिक 
गरेको छ । मंगलवार हेटौडा–६ शान्तिटोलमा एक कार्यक्रमको आयोजना गरि कार्यदलले आय व्यय विवरण सार्वजनिक गरेको हो । 
कार्यदलले विभिन्न व्यक्तिहरुबाट प्राप्त भएको ४ लाख ४० हजार ७८४ र स्वास्थ्य सामाग्री खरिद र राहत वितरणमा १ लाख ९७ हजार ८६६ खर्च भै हाल कोषमा २ लाख ४२ हजार ९१८ रुपैयाँ रहेको राहत तथा आर्थिक उपसमितिका सहसंयोजक देवराज गौतमले बताए । 
यसैगरी विभिन्न व्यक्तिहरुबाट २७ हजार ५५० कवोल गरेको समेत सो अवसरमा जानकारी गराइएको थियो । 
बैठकले कार्यदललाई आर्थिक तथा जिन्सी सहयोग गर्ने सबैलाई धन्यवाद समेत ज्ञापन गरेको छ । कार्यदलले हेटौडा–६,७ ,१५,१७ र मकवानपुरगढी गाउँपालिका सम्म पुगी कोरोना संक्रमितहरुलाई स्वास्थ्य सल्लाह, स्वास्थ्य सामाग्री, अक्सिजन वितरण, वडाको विभिन्न स्थानहरुमा हात धुने टंकी राख्ने काम, रक्तदान र कोरोनाका कारण संकटमा परेका व्यक्तिहरुलाई 
खाद्यान्न समेत वितरण गर्दै आएको छ । 
बैठकले कार्यदलका सूचना तथा संचार संयोजक रुपेश दुलालको पुजनीय पिता बेद प्रसाद दुलालको असमायिक निधनमा गहिरो दुःख व्यक्त गर्दै शोक सन्तप्त परिवारजनप्रति हार्दिक समवेदना समेत व्यक्त गरेको छ । 
हेटौडा–६ का वडा अध्यक्ष एवम कार्यदलका संयोजक अर्जुन प्रसाद चौलागाईको अध्यक्षतामा बसेको बैठकमा सहसंयोजक भरत सापकोटा, राहत तथा आर्थिक उपसमितिका संयोजक नवराज न्यौपाने, कार्यदलका सदस्य उदय विडारी, पवन दुलाल, निलाम्वर सापकोटा, केशव धिताल , विजय पौडेल, सुन्दरराज आचार्य, पूर्णभद्र चौलागाई लगायतको उपस्थिति रहेको थियो ।