हेटौंडामा अन्तिम समयमा रोकिएको खोप अभियान पुनः सुरु

२६ जेठ, हेटौंडा । हेटौंडा उपमहानगरपालिकामा अन्तिम समयमा रोकियो भनिएको खोप अभियान सुरु भएको छ । हेटौंडा उपहानगरपालिकाका जनस्वास्थ्य निरीक्षक तथा कोभिड फोकल पर्सन भोला चौलागाईंले खोप अभियान सुरु भएको जानकारी दिएका हुन् ।
सरकारी मापदण्ड अनुसार हेटौंडा उपमहानगरपालिकामा आजदेखि दिन लगाउँन सुरु गरिने भनिएको कोरोना विरुद्धको खोप अभियान अन्तिम समयमा आएर रोकिएको थियो ।
हेटौंडा उपमहानगरपालिका क्षेत्रमा आजदेखि चीन सरकारको सहयोगमा आएको कोरोना विरुद्धको खोप ‘भेरोसेल’ लगाउँन तयारी भएको थियो । तर हेटौंडा उपमहानगरपालिकाका मेयर हरि बहादुर महतले  खोप लगाउने विषयमा अन्यौलता भएकाले पत्रकार सम्मेलन गरी जानकारी दिएर मात्रै खोप लगाउँन सुरु गर्ने बताएका थिए ।
केही प्राविधिक समस्या नभए खोप अभियान उपमहानगरपालिकाका १९ वटै वडामा आजैबाट सुरु हुने निरीक्षक चौलागाईले बताए । 
स्वास्थ्य तथा जनसंख्या मन्त्रालयले काठमाडौं उपत्यका भित्र ६० देखी ६४ बर्ष र उपत्यका बाहिर ६२ देखी ६४ बर्ष उमेर समूहका लागी खोप लगाउँने जनाएको छ । सरकारले मकवानपुरका १० स्थानिय तह मध्य हेटौंडा उपमहानगरपालिकामा सबैभन्दा बढी २ हजार ७ सय डोज खोप पठाएको छ ।