नेतृ डिनाको पहलमा पल्पसा आइसोलेसन सेन्टरलाई सहयोग

२६ जेठ, हेटौंडा । नेपाली कांग्रेसकी केन्द्रीय सदस्य महालक्ष्मी उपाध्याय डीनाको पहलमा बुधबार हेटौंडाको पल्पसा आइसोलेसन सेन्टरलाई अक्सिजन कन्सन्ट्रेटर सहयोग गरिएको छ ।
नेतृ डीनाको पहलमा हिमाल मुटु अस्पतालले अक्सिजन कन्सन्ट्रेटर उपलब्ध गराएको हो । बुधबार बिहान एक कार्यक्रमकाबीच उक्त कन्सन्ट्रेटर हस्तान्तरण गरिएको छ ।
अक्सिजन कन्सन्ट्रेटर सहयोग हस्तान्तरण गर्दै कांग्रेस केन्द्रीय सदस्य डीनाले कोरोनाको कारण नेपालमा मृत्युदर बढ्नु दुःखद भएको बताइन् । उनले सरकारले समयमै कोरोना रोकथाम तथा नियन्त्रणमा चासो नदिदा धेरैले ज्यान गुमाउनु परेको दाबी गरिन ।
नेतृ डिनाले यसअघि पनि राक्सिराङ गाउँपालिकाको लागि ५ वटा कन्सन्ट्रेटर सहयोग गरेको जानकारी दिदै पल्पसा आइसोलेसन सेन्टरलाई आवश्यकता परे व्यक्तिगत र दिव्यतारा सहकारी संस्था पनि सहयोग र सहकार्य गर्न तयार रहेको बताइन् ।
उक्त अबसरमा मउवा संघका अध्यक्ष कृष्ण कटुवालले सबै संघसंस्थाको सहयोगबाट आइसोलेसन सेन्टर सञ्चालन भैरहेको भन्दै सहयोगको लागि आभार व्यक्त गरे ।
सहयोग कार्यक्रममा दिव्यतारा सहकारीका पदाधिकारी, मउवा संघका पदाधिकारी एवम् कांग्रेस नेताहरुको उपस्थिती रहेको थियोे ।