कोभिड हेल्प डेस्क मकवानपुरद्वारा जेष्ठ नागरिक आश्रयस्थलहरुलाई सहयोग

२७ जेठ, हेटौंडा । मकवानपुर उद्योग वाणिज्य संघको नेतृत्वमा विभिन्न संघसंस्थाहरुको सहकार्यमा स्थापित कोभिड हेल्प डेस्क मकवानपुरले बुधबार जेष्ठ नागरिक आश्रयस्थललाई  सहयोग गरेको छ । 
हेटौंडा–१५, रातोमाटेस्थित दिव्यसेवा निकेतन, जेष्ठ नागरिक आश्रयस्थललाई खाद्य सामग्री सहयोग गरिएको हो । आश्रयस्थलकै आग्रह अनुरुप  चना, दाल, तेल, स्याऊ, चाउचाउ र विस्कुट सहयोग गरिएको हो ।
यस्तै हेटौंडा–१७, गैरीगाउंmस्थित श्रीमद्भागवत ज्ञानसंचार वृद्धाश्रममा पनि खाद्य सामग्रीहरु वितरण गरिएको थियो । वृद्धाश्रमकै आग्रह अनुसार चना, स्याऊ, साबुन र सर्फ वितरण गरिएको थियो । मउवासंघका महासचिव प्रमोद सिंह रानाभाटको संयोजकत्वमा खाद्य समग्री वितरण गरिएको हो । 
खाद्य सामग्री वितरण कार्यक्रममा कोभिड हेल्प डेस्कका संयोजक कृष्ण कटुवाल, सदस्यहरु ज्ञानेन्द्र कार्की, शंकरलाल श्रेष्ठ, मउवासंघका उपाध्यक्ष रामप्रसाद न्यौपाने, सचिव सन्तोष कुमार अर्याल, उपभोक्ता हित संरक्षण मञ्चका अजय अधिकारी, मउवासंघका भुपे्रन्द्र अधिकारीलगायतको उपस्थिति रहेको थियो । 
बुधबार हेल्प डेस्कबाट चार सिलिण्डर अक्सिजन सहयोग गरिएको छ । हेटौंडा–१, मेनरोडका एकजना, हेटौंडा–६, गौरीटारका एकजना र हेटौंडा–१५, रातोमाटेका एकजना गरी जम्मा तीनजना बिरामीलाई चार सिलिण्डर अक्सिजन निःशुल्क सहयोग गरिएको हो । 
बुधबार साँझ सम्ममा पल्पसा आइसोलेशन सेन्टरमा ११ जना संक्रमित भर्ना भएको संयोजक कटुवालले जानकार दिए । जसमध्ये ७ जना महिला र ४ जना पुरुष रहेका छन् ।