बुधबार नेपालमा कोरोना निको हुनेभन्दा संक्रमितको संख्या बढी

३ असार, हेटौंडा । स्वास्थ्य तथा जनसंख्या मन्त्रालयका अनुसार बिहीबार नेपालमा कोरोना निको हुने भन्दा संक्रमित हुनेको संख्यामा केही बृद्धि भएको छ ।
मन्त्रालयका अनुसार बिहीबार नेपालमा २ हजार ६ सय ७ जनामा कोरोना भाइरसको संक्रमण पुष्टि हुँदा २ हजार १ सय ४१ जना कोरोना मुक्त भएका छन् ।  
७ हजार ७ सय ११ जनाको आरटी÷पीसीआर परीक्षण गर्दा १ हजार ७ सय ६८ जना र ४ हजार ७ सय ७३ जनाको एन्टिजेन विधिमार्फत परीक्षण गर्दा ८ सय ३९ जनामा संक्रमण पुष्टि भएको मन्त्रालयले जनाएको छ । 
योसहित नेपालमा पीसीआर विधिबाट गरिएको परीक्षणमा ६ लाख १४ हजार नौ सय ८४ जना र एन्टिजेन विधिबाट गरिएको परीक्षणमा २४ हजार ५६ जनामा कोरोना संक्रमण पुष्टि भएको छ ।
यस्तै बिहीबार २ हजार १ सय ४१ जना कोरोना निको हुँदा नेपालमा कोरोना मुक्त हुनेको कुल संख्या ५ लाख ४५ हजार ६ सय ६२ पुगेको छ । अहिले निको हुने दर ८८ दशमलव ६ प्रतिशत रहेको मन्त्रालयले जनाएको छ ।
यस्तै पछिल्लो २४ घण्टा र यसअघिको प्राप्त भएको विवरणसहित थप ३९ जनाको कोरोना संक्रमणबाट ज्यान गएको मन्त्रालयले जनाएको छ । योसहित नेपालमा कोरोनाबाट ज्यान गुमाउनेको कुल संख्या ८ हजार ५ सय ९७ पुगेको छ ।