मकवानपुरमा जारी निषेधाज्ञा केहि खुकुलो पार्दै १४ गते सम्म थप

७ असार, हेटौंडा । मकवानपुरमा बैशाख १९ गतेबाट जारी निषेधाज्ञा कोरोना नियन्त्रण तथा रोकथामका लागी भन्दै पुनः एकसाताका लागी थप गरिएको छ । कोरानको संक्रमणको चेन ब्रेक गर्न भन्दै जारी गरिएको निषेधाज्ञ यसपटक भने केही खुकुलो पार्दै असार १४ गते राति १२ बजेसम्मका लागी कायम गरिएको छ । 
निषेधाज्ञा एक हप्ताका लागी थप गरिएको भएपनि जिल्लामा कोरोना संक्रमणको दर क्रमश घट्दै गएकोेले निषेधाज्ञाको स्वरुप परिवर्तन गरिएको जिल्ला प्रशासन कार्यलय मकवानपुरले जनाएको छ ।
जिल्ला प्रशासनले जारी गरेको सूचनामा निषेधाज्ञाको समया अनुमति प्राप्त व्यापार व्यवयसाय सञ्चालन गर्दा स्वास्थय मापदण्डका नियमहरुलाई कडाईका साथ पालना गर्न निर्देशन दिइएको छ । कुनैपनि स्थानमा भिडभाड गर्न गराउँन नपाईने, अनिवार्य मास्कको प्रयोग गर्नु पर्ने र भौतिक दुरी कायम गर्ने जनाइएको छ ।
निषेधाज्ञाको समयमा पनि औषधी पसल, कृषि बीउबीजन तथा मल विक्री वितरण गर्ने पसल र भेटनरी, पेट्रोल पम्प, ग्याँस डिपो, अक्सिजन सिलिण्डर पसल नियमित सञ्चालन गर्नुपर्ने अघिल्लो नियमलाई यसपटकपनि यथाबत छ । 
यस्तै अतिआवश्यक उपभोग्य वस्तुहरु खाद्यन्न, पानी, दूध, माछामासु, अण्डा, फलफुल तथा तरकारीका पसल विहान ४ः०० बजेदेखि विहान १०ः०० बजेसम्म मात्र खोल्न पाइने छ । तर, हेटौडा उपमहानगरपालिकाको खोपेगल्लीमा रहेका सम्पूर्ण पसल र बसपार्कमा रहेका खुद्रा तरकारी तथा माछामासु बजार पूर्णरूपमा बन्द रहने छन् ।
यसैगरी पुस्तक तथा स्टेसनरी, इलेक्ट्रिक तथा इलेक्ट्रोनिक्स, हार्डवेयर, भाँडा, कपडा, टेलर, जुत्ताचप्पल पसल ,सवारी साधन मर्मत गर्ने वर्कसप तथा मोटर पार्टस् विक्रीवितरण गर्ने पसल दिनको १२ः०० बजेदेखि दिनको ४ः०० बजेसम्म मात्र सञ्चालन हुने गरी खोल्न पाइने भएको छ । 
यस्तै रेष्टुरेन्ट, मिठाई तथा खाजा पसलहरूबाट टेकअवे र होमडेलिभरी हुने गरी मात्र दिनको १ः०० बजेदेखि दिनको ४ः०० बजेसम्म खोल्न पाइने उल्लखे गरिएको छ । 
आइतबार बसेको जिल्ला कोभिड १९ संकट व्यवस्थापन केन्द्रको बैठकले एक हप्ता निषेधाज्ञा थपिएको गर्दे मध्यान्ह १२ बजेदेखि ४ बजेसम्म मोवाईल, कम्प्युटर, स्टेशनरी खुला गरिएकोमा,भाँडाकुडाँ, फर्निचर र कपडा पसल ४ घण्टा खुला गर्न अनुमति दिएको हो ।  
त्यसैगरी निजी सवारी साधनका साथै अटो मयुरी जोर बिजोर प्रणालीमा सञ्चालन गर्न अनुमति दिएको मकवानपुरका प्रजिअ भरतमणि पाण्डेले जानकारी दिएका छन् ।