बृक्षारोपण गर्दै बस्तीपुर जेसीजको जेसीज सप्ताह सुरु

९ असार, हेटौंडा । बस्तीपुर जेसीज हाँडीखोलाले आफ्नो बार्षिक कार्यक्रम अन्तर्गत सप्ताहव्यापी कार्यक्रम वृक्षरोपण गरेर सुरुवात गरेको छ । जेसीसले बुधबार बिहान हेटौंडा–१९ स्थित चिल्डे«ेन पार्क, बासुदेवमा विभिन्न प्रजातिका विरुवा रोपेर सप्ताहव्यापी कार्यक्रम सुरु गरेको हो ।
कार्यक्रमका संयोजक सुरज वर्तौलाले मसला, अशोक, धुपी, गोल्डेन, तेजपत्तालगायत विभिन्न प्रजातिका एक सय वटा विरुवा रोपिएको जानकारी दिए । बस्तीपुर जेसीज हाँडीखोलाका अध्यक्ष राजेश भेटवालको अध्यक्षतामा भएको कार्यक्रममा नेपाल जेसीजका उपाध्यक्ष अरुण दाहालको प्रमुख आतिथ्यता रहेको थियो । 
कार्यक्रममा मुल कार्यक्रम संयोजक तेजप्रसाद उप्रेती रमेश, सहमुल कार्यक्रम संयोजक शंकर नेपाल, महासचिव प्रेम गोङ्बा, कार्यक्रम संयोजक सुरज वर्तौलालगायतको उपस्थिति रहेको थियो ।
यस्तै जेसीज सप्ताहअन्तर्गत आज नै रजैया पुल र लेवट घुम्तीमा कोभिड सचेतना बोर्ड स्थापना गर्ने कार्यक्रम रहेको जेसीजका अध्यक्ष भेटवालले जानकार दिए । यसैगरी आजै प्रगतिशील युवा क्लव नेवारपानीलाई खेलकुद सामाग्री वितरणको कार्यक्रम पनि राखिएको छ ।
असार ११ गते सम्म चल्ने सप्ताहव्यापी कार्यक्रम अन्तर्गत भोलि बिहीबार रक्तदान कार्यक्रम, आमाघर मनहरी र आइसोलेसनमा खाद्यान्न वितरण गरिने जेसीज अध्यक्ष राजेश भेटवालले बताए । यस्तै ११ गते गणेश प्रावि कुवापानीमा स्टेशनरी सामाग्री वितरण कार्यक्रमका साथै सोही दिन पुरस्कार वितरण तथा समापन समारोह आयोजना हुने भेटवालले जानकारी दिए ।