स्काउटको पहलमा स्वास्थ्य शिविर

स्वास्थ्य परिक्षण गर्दै स्वास्थ्यकर्मी ।

६ भदौ, हेटौंडा । बाढी  र डुवानका कारण प्रभावित हुन पुगेको  मनहरी प्रतापपुर  रमौलीमा स्वास्थ्य शिविर भएको छ ।
स्थानीय वासिन्दाहरको लागि नेपाल स्काउट, मकवानपुर र युथ फर ह्यूमन राईट नेपाल चयाप्टर काठमाडौंको आयोजना र लक्जमवर्ग लोक कल्याणकारी संस्थाको आर्थिक सहयोगमा एक दिने निःशुल्क स्वास्थ्य शिविर भएको हो । रोट्रयाक्ट क्लव अफ किष्ट मेडिकल कलेजका ७ जना डाक्टरहरुको टोली र हेटौंडा अस्पतालका डाक्टरहरुको समेत सहभागीतमा २ सय ८० जनाको स्वास्थ्य परिक्षण गरिएको थियो । स्वास्थ्य शिविरमा परिक्षण गरिएका अधिकांशमा झाडापखाला र ज्वरोका समस्या पाईएको थियो । 
कार्यक्रममा काठमाडौ र विभिन्न आसपासका जिल्लाका सहयोगदाताहरुबाटसंकलित बालिलिकाका लागि न्यानो कपडा र लत्ताकपडा वितरण गर्नुका साथै पूर्ण क्षति भएको मध्ये २४ घर धुरीलाई व्ल्यांकटे उपलव्ध गराएको मकवानपुर जिल्ला स्काउटका जिल्ला तालिम आयुक्त अशोक सारु मगरले बताए । स्वास्थ्य शिविरको लागि आवाश्यक प्राविधिक सहयोग र औषधि रोट्रयाक क्लब अफ किष्ट मेडिकल कलेज, रोज म्याथेसन प्राप्त भएको थियो । 
अनामिका अयौल र साथीहरुबाट व्ल्यांकेट र लत्ताकपडा, इपि माइग्रेसनबाट भोल्युन्टर, इन्फरमेसन टे विसु फर टेक्नोलोजी लगायतको संघ संस्थाको संकलित सामग्रीहरु र सहयोगबाट स्वास्थ्य शिविर गर्न सकिएको युथ फर ह्यूमन राईट नेपाल चयाप्टरका संयोजक गुणराज प्याकुरेलले बताए । बाढी  र डुवानका कारण त्यहाँका ३४ घर पूर्ण क्षति र ४२ घर आशिंक घर क्षति भएको थियो ।