बिहीबार २७६० संक्रमित थपिए, ४०१७ जनाले कोरोना जिते

१७ असार, हेटौंडा । स्वास्थ्य तथा जनसंख्या मन्त्रालयका अनुसार नेपालमा बिहीबार २ हजार ७ सय ६० जनामा कोरोना भाइरसको संक्रमण देखिएको छ ।
मन्त्रालयले विहीबार साँझ प्रकाशन गरेको विवरण अनुसार १० हजार ९ सय ८५ जनामा भएको परीक्षणमा २५ दशमलव १२ प्रतिशत अर्थात २ हजार ७ य ६० जनामा कोरोना पुष्टि भएको हो ।
निषेधाज्ञा खुकुलो बनाएसँगै पुनः कोरोना संक्रमणको दर बढ्न थालेको छ । मन्त्रालयका अनुसार विहीबार नै ४ हजार १७ जनाले कोरोना संक्रमण जितेका छन् । 
यो सँगै हालसम्म नेपालमा कूल संक्रमितको संख्या ६ लाख ७९ हजार ५ सय ९ पुगेको छ भने ६ लाख १ सय ४९ जनाले संक्रमण जितेका छन् । हालसम्म कूल संक्रमित संख्याको ९३ दशमलव ७ प्रतिशत व्यक्ति संक्रमणमुक्त भएका छन् । 
यसैगरी कोरोना संक्रमणबाट बिहीबार ३३ जनाको मृत्यु भएको छ । योसँगै अहिलेसम्म कोरोनाका कारण ज्यान गुमाउनेको संख्या नौ हजार एक सय ४५ पुगेको छ । 
हाल देशभर ३१ हजार ३ सय ६८ जना सक्रिय संक्रमित छन् । जसमा २८ हजार ३ सय ७४ जना होम आइसोलेसनमा छन् भने २ हजार ९ सय ९४ जना संस्थागत आइसोलेसनमा रहेका छन् । तीमध्ये ६ सय २९ जना आइसियू र १ सय ८१ जनाको भेन्टिलेटरमा उपचार भइरहेको  मन्त्रालयले जनाएको छ ।