फेकोफन मकवानपुरद्वारा बाख्रा र कुखुरा वितरण

भीमसेन पौडेल

२८असार,हेटौंडा। सामुदायिक वन उपभोक्ता महासंघ(फेकोफन)मकवानपुरले बाख्रा वितरण गरेको छ।  

फेकोफन मकवानपुरले टीएफ परियोजनाको सहकार्यमा लकडाउनका कारण समस्यामा परेका जिल्लाक विभिन्न सामुदायिक वनका उपभोक्ताहरुलाई बाख्रा र कुखुरा वितरण गरेको छ ।सामुदायिक वन उपभोक्ता समूहमा रहेको गरिव, दलित, जनजाती र विपन्न बर्गका उपभोक्ताहरुलाई बाख्रा र कुखुरा वितरण गरेको महासंघ,मकवानपुरले जनाएको छ ।महासंघले स्थानीय महासंघ र सामुदायिक वन उपभोक्ता समूहसँग सहकार्य गरेर बाख्रा र कुखुरा वितरण गरेको हो । 

सोही क्रममा महासंघले स्थानीय महासंघ मकवानपुरगढीको समन्वयमा ४ जना उपभोक्तालाई बाख्रा र १ जना उपभोक्तालाई कुखुरा वितरण गरेको फेकोफन मकवानपुरगढीका अध्यक्ष बलराम अधिकारीले बताए । महासंघले मनहरीमा पनि ४ जना उपभोक्तालाई बाख्रा र १ जना उपभोक्तालाई कुखुरा वितरण गरेको छ ।

त्यसैगरी महासंघले स्थानीय महासंघ हेटौडासँगको सहकार्यमा सोमवार हेटौडामा ५ जना उपभोक्तालाई बाख्रा वितरण गरेको छ ।हेटौडा–५ पिप्लेपोखरा सामुदायिक वनका २ चनौटा सामुदायिक वन हेटौडा–१९ का २ र हेटौडा–१ मा रहेको भैरबडाडाँ सामुदायिक वनका १ गरि ५ जना उपभोक्तालाई बाख्रा वितरण गरेको छ । महासंघ मकवानपुरका अध्यक्ष साधुराम चौलागाँईको अध्यक्षतामा भएको बाख्रा वितरण कार्यक्रममा महासंघ, मकवानपुरका कोषाध्यक्ष बलरामा अधिकारी, स्थानीय महासंघ हेटौडाका अध्यक्ष शम्भुप्रसाद न्यौपाने, महासंघकी सहजकर्ता अन्जली थापा, टीएफ परियोजनाकी प्रमिसा खनाल लगायतको  सहभागिता थियो।महासंघले लकडाउनका कारण समस्यामा परेका विभिन्न सामुदायिक वनका ५२ घरधुरीका उपभोक्ताहरुलाई राहत समेत वितरण गरेको थियो ।