डिभिजन वन कार्यालय मकवानपुरद्वारा रानी र सुनगाभालाई नगद सहित सम्मान

२८ असार,हेटौंडा। डिभिजन वन कार्यालय मकवानपुरले आर्थिक वर्ष २०७७।०७८ मा  उत्कृष्ट काम गर्ने २ वटा वन समूहलाई सोमवार पुरस्कार सहित सम्मान गरेको छ । 

डिभिजन वन कार्यालयले  सामुदायिक वन तर्फ हेटौडा–६, चौघडामा रहेको रानी सामुदायिक वन उपभोक्ता समूह र कबुलियती वन तर्फ बागमती -७ मा रहेको सुनगाभा बकुलियती वन समूह सम्मानित गरेको हो।

डिभिजन वन कार्यालयले रानी सामुदायिक वन उपभोक्ता समूहलाई ५० हजार नगद पुरस्कार सहित प्रमाण पत्र र सुनगाभा कबुलियती वन समूहलाई ३० हजार नगद सहित प्रमाण पत्रले सम्मानित गरेको हो।

सम्मान तथा पुरस्कार वितरण कार्यक्रममा डिभिजनल वन अधिकृत इमनाथ पौड्यालले  सामुदायिक वनको क्षेत्रमा रानी सामुदायिक वनले सामुदायिक क्षेत्र  र सुनगाभाले कबुलियती वनको क्षेत्रमा गरेको काम प्रशंसनीय र उदाहरणीय रहेको बताए ।कार्यक्रममा सामुदायिक वन उपभोक्ता महासंघ, मकवानपुरका अध्यक्ष साधुराम चौलागाँई, कबुलियती वन उपभोक्ता महासंघ, मकवानपुरकी अध्यक्ष सुन्तली माया प्रजा, डिभिजन वन कार्यालय मकवानपुरका सहायक वन अधिकृत बसन्तराज गौतम, अच्युत प्रसाद उपाध्याय, महम्मद अतिउल्लाह, नवराज थापा,रानी सामुदायिक वनका अध्यक्ष विष्णुप्रसाद न्यौपाने,कार्यालय सचिव भीमसेन पौडेल, सुनगाभा कबुलियती वन समूहकी अध्यक्ष रिम कुमारी तिमल्सिना लगायतको सहभागिता रहेको थियो ।