फुटबलको बन्द प्रशिक्षणका लागि ३६ खेलाडी छनोट

३० असार, काठमाडौं । नेपाली राष्ट्रिय फुटबल टोलीको दोस्रो चरणको बन्द प्रशिक्षणका लागि ३६ खेलाडी छनौट भएका छन् । प्रारम्भिक चरणमा छनौट भएका ५० मध्ये ३६ जना दोस्रो चरणका लागि छनौट भएका छन् भने १४ खेलाडी बाहिरिएका हुन् ।
दोस्रो चरणका लागि छनौट हुनेमा अनन्त तामाङ, अन्जन विष्ट, एरिक विष्ट, अर्पण कार्की, विकेश कुथु, विशाल श्रेष्ठ, दीप कार्की, किरणकुमार लिम्बू, आशिष लामा, अभिषेक रिजाल,  आयुष घलान, भरत खवास, विशाल राई, दिनेश राजवंशी, गौतम श्रेष्ठ, जर्ज प्रिन्स कार्की, कमल थापा, मनिष डाँगी, नवयुग श्रेष्ठ, नितिन थापा, रजिन धिमाल, राजिव लोप्चन, रन्दिप पौडेल, प्रकाश बुढाथोकी, पुजन उपरकोटी, राजन गुरुङ,  रोहित चन्द, सन्जोग राई, सन्तोष तामाङ, सुजल श्रेष्ठ, सुमन अर्याल, त्रिदेव गुरुङ, सुमन लामा, सुनिल बल, सुरज ज्यु ठकुरी र  तेज तामाङ रहेका छन् ।
नेपाली राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरीले उनीहरुको छनोट गरेका छन् । 
बन्द प्रशिक्षणबाट बाहिरिने खेलाडीमा विशाल सुनार, अमित तामाङ, विवेक बस्नेत, दर्शन गुरुङ, डोना थापा, गौरव बुढाथोकी, मिक्छेन तामाङ, नीरज बस्नेत, निशान खड्का, प्रिजेन तामाङ, रवी पासवान, सेसेहाङ आङदेम्बे, शिशिर लेखी र सुदील राई रहेका छन् ।
अखिल नेपाल फुटबल संघ (एन्फा) ले प्रारम्भिक बन्द प्रशिक्षणका लागि ५० खेलाडीलाई छनोट गरेको थियो ।