जिल्ला लिग फुटबल सुरु

तस्बिरःसुनिल शिवाकोटी /प्रस्ट खबर

सुनिल शिवाकोटी 
१३,भदौँ,हेटौँडा । मकवानपुरको फुटबल प्रतियोगिता इतिहासमा ३७ वटा टिमको सहभागिता रहको  जिल्ला लिग फुटबल प्रतियोगिता आजबाट हेटौँडाको लोकतान्त्रीक चौर हुप्रचौरमा सुरु भएको छ ।

डिफेण्डिङ च्याम्पियन एफसी पोताला र  पिप्ले युवा क्लब बिचको पहिलो  पहिलो उद्घाटन खेल गोल रहित  बराबरीमा राकिएको छ । गोलरहित बराबरीमा रोकिएसंगै दुबै टिमले एक÷एक अँक बाढेका छन ।  हेटौंडाको हुप्रचौरमा निधारीत समय भन्दा ढिलो सुरु भएको उद्घाटन खेलमा डिफेण्डिङ च्याम्पियन पोतालाले गोल गर्ने अबसरको सदुपयोग गर्न नसक्दा पोताला पहिलो खेलमा अंक बाढन बाध्य भएको हो ।  पिप्ले युवा क्लबका   गोलरक्षक लालकिरण ढुङ्गेल उत्कृष्ट बचाउ गर्दै  पोतालाको सबै प्रहार बिफल बनाएका थिए ।

जिल्ला फुटबल संघका अध्यक्ष राजेन्द्र श्रेष्ठको अध्यक्षतामा भएको उद्घाटन समारेहमा ,नेपाल उद्योग वाणिज्य महासंघका केन्द्रिय सदस्य एवम् मकवानपुर  अध्यक्ष राजकुमार न्यौपाने ,हेटौंडा स्कुल अफ म्यानेजमेन्टका प्रिन्सिपल पुरनबहादुर जोशी , जिल्ला खेलकुद विकास समितिका अध्यक्ष माधब तिमल्सिना, प्रयोजक लक्ष्मी तौजले, जिल्ला खेलकुद विकास समितिका कोषाध्यक्ष भेष खड्गी लगाएत विभिन्न खेलकुद संघका पदाधिकारीहरुको सहभागिता थियो । उद्घाटन समारेहमा हेटौंडा स्कुल अफ म्यानेजमेन्टका प्रिन्सिपल पुरनबहादुर जोशीले प्रतियोगिताको उत्कृष्ट खेलाडिलाई नगद २५हजार प्रदान गर्ने घोषणा गरेका थिए भने नेपाल उद्योग वाणिज्य महासंघका केन्द्रिय सदस्य एवम् मकवानपुर  अध्यक्ष राजकुमार न्यौपानेले खेल अवधीभर  ५० काटुन पानी सहयोग गर्ने जनाएका थिए ।   
असोज ८ गतेसम्म सञ्चालन हुने प्रतियोगिताको बिजेताले नगद ५०हजार, शिल्ड, मेडल तथा उपबिजेतले २५हजार नगद शिल्ड, मेडल तथा प्रमाणपत्र प्राप्त गर्नेछन् भोली बुधबार ३ खेल खेलाईने आयोजकले जनाएको छ ।