बागमती प्रदेशमा बढ्यो सवारी कर

३ साउन,हेटौंडा  । बागमती प्रदेशमा सवारी करमा वृद्धि भएको छ।बागमती प्रदेश सरकारले चालु आर्थिक वर्ष २०७८/०७९ को बजेटमा सवारी कर,दर्ता, नवीकरण र इजाजत  दस्तुरमा वृद्धि गरेको हो । 

प्रदेश सरकारले साना क्षमताका विद्युतीय सवारी सहित पेट्रोलियम पदार्थबाट चल्ने सबै करमा वृद्धि गरेको हो । सरकारले क्षमताका आधारमा न्युनतम ५ सय देखी अधिकतम ५ हजार रुपैयाँसम्म बढाएको छ । सरकारले भाडाका तेल ट्याङ्कर, ग्यास बुलेटको कर चार हजार रुपैयाँले वृद्धि गर्दै २२ हजार रुपैयाँ पु¥याइएको छ ।

कर दस्तुर बढेसँगै अब १००० सीसी क्षमताकै एघार हजार रुपैयाँ बुझाउनुपर्ने भएको छ।भाडाका मिनी बस।ट्रकको कर एक हजार पाँच सय रुपैयाँले वृद्धि गरिएको छ भने ठूला बस/ट्रकको कर २ हजार रुपैयाँले वृद्धि गर्दै २० हजार रुपैयाँ पु¥याइएको छ । त्यसैगरी  थ्री ह्वीलर टेम्पो, ट्याक्टरको नविकरण दस्तुरमा पनि ५ सय रुपौयाँले कर वृद्धि गरिएको छ ।

बागमती प्रदेश सरकारले मोटरसाइकल तथा स्कुटरको करको दस्तुर पनि बढाएको छ । १२५ सीसीसम्मका मोटरसाइकलको करमा दुइसयले वृद्धि गर्दै ३ हजार रुपैयाँ पुर्याइएको छ भने एक सय २६ देखि १५० सीसीसम्मका मोटरसाइकल।स्कुटरको कर पाँच सयले वृद्धि गर्दै पाँच हजार पुर्याइएको छ। त्यसैगरी १५० देखि २२५ सीसीसम्मका मोटरसाइकलको कर पनि पाँच सय रुपैयाँ र ४ सय सीसीसम्मका मोटरसाइकलको कर २ हजार रुपैयाँले बढाइएको छ । ६५० सीसीसम्मको मोटरसाइकलको कर २० हजारमै यथावत राखिएको छ भने ६५० सीसीभन्दा माथिका मोटरसाइकलको कर पनि ३० हजार रुपैयाँमै यथावत राखिएको हो ।त्यस्तै निजी सवारीहरुको कर पनि वृद्धि गरिएको छ ।अधिकतम ५८ हजार पाँच सय रुपैयाँ कर तिर्दै आएका निजी जीप, कार भ्यान खरिदकर्ताले साउन १ गतेबाट ६५ हजार रुपैयाँ कर बुझाउनुपर्नेछ । एक हजार सीसीसम्मका जीप कार भ्यानको कर २१ हजारबाट एक हजार रुपैयाँ वृद्धि गरिएको छ । एक हजार पाँच सय सीसीसम्मका जीप कारको कर २३ हजार पाँच सय तिर्दै आइएकोमा २५ हजार पु¥याइएको छ ।साउन १ गतेदेखि लागू भएको बागमती प्रदेशको आर्थिक ऐनअनुसार निजी मिनी ट्रक र मिनी बसको कर २ हजार पाँच सय रुपैयाँले वृद्धि भएको छ । नयाँ दरअनुसार अब निजी मिनी ट्रक र बस खरिदमा २७ हजार रुपैयाँ कर लाग्नेछ । ठूला निजी ट्रक र बसको कर पनि २ हजार रुपैयाँले वृद्धि गरी ३५ हजार रुपैयाँ पु¥याइएको छ ।निजी एक्साभेटर, डोजर लोडर, क्रेनको कर पनि एक हजार पाँच सयले वृद्धि गरिएको छ ।ट्रिपरको कर ३९ हजार तोकिएको छ भने मिनी ट्रिपरको कर २७ हजार पाँच सयबाट वृद्धि गरी ३० हजार रुपैयाँ पु¥याइएको छ ।

पेट्रोलियम पदार्थबाट चल्ने सवारी विस्थापित गरेर प्रदेसभर विद्युतीय सवारी चलाउने निति लिएको बागमती प्रदेश सरकारले पेट्रोलियम पदार्थबाट चल्ने सबैखाले सवारीको नविकरण तथा कर दस्तुरमा अधिकतम वृद्धि गरेको हो।