भोलि मकवानपुरका मन्दिर खुला छैन, अटेर गरे कारवाही हुन्छ :प्रजिअ पाण्डे

३ साउन, हेटौंडा । कोरोना संक्रमणको जोखिम कायमै रहेकोले मकवानपुरका मन्दिर खुला नगरेको बिषयमा जिल्ला प्रशासन कार्यालयले मकवानपुरले जानकारी गराएको छ ।विशेष गरेर साउने सोमबार शिव मन्दिरमा दर्शनार्थीहरूको भिड बढ्ने भएको र भिडले कोरोना जोखिम बढाउन सक्ने भन्दै मकवानपुर प्रशासन कार्यालयले मन्दिर खुला नहुने जनाएको हो । 

सबै मन्दिर व्यवस्थापन समितिलाई मन्दिर खुला नगर्न सचेत गराइएको   मकवानपुरका प्रमुख जिल्ला अधिकारी भरतमणी पाण्डेले प्रष्ट खबरलाई बताएका छन। 

निषेधाज्ञा जारी भएदेखी जोखिमलाई मध्यनजर गरेर  सर्वसाधारणलाई मन्दिर नखुल्ने अवगत गराइएको भन्दै प्रजिअ पाण्डेले प्रशासनको सूचनालाई अटेर गरी जबर्जस्ती गरे कारवाही गरिने बताए ।

हेटौडा -४मा  रहेको भुवनेश्वर मन्दिर, मकवानपुर गढीगाउँपालिका -४ मा रहेको  मनकामना मन्दिर,हेटौँडा-१० मा रहेको भुटनदेवि र गोरक्षेश्वर मन्दिर, हेटौँडा, -१ भैरवडाँडामा रहेको पाथीभरा देवि मन्दिर,दामनमा रहेको ॠखेश्वर मन्दिर, हेटौँडा-५ मा रहेको रूद्रेश्वर र दक्षिणकाली मन्दिर लगायतका धार्मिकस्थल तथा शिवालय बन्द रहने प्रजिअ पाण्डेले जानकारी दिएका छन।

यता जिल्ला प्रशासन कार्यलय मकवानपुरले मन्दिरको आफ्नो नियमित आरती बाहेक हालसम्म सर्वसाधारणका लागि मठ मन्दिर खुला गर्न अनुमति नदिएकोले साउने सोमबार हेटौँडा नगर र आसपासका शिवालय खुला नहुने  मकवानपुरका प्रहरी प्रवक्ता प्रहरी नायब उपरीक्षक जयश्वर रिमालले बताएका छन्। 

असार ३१ गते बसेको जिल्ला कोभिड संकट व्यवस्थापन केन्द्रको बैठकले मकवानपुरका मठ मन्दिर सर्वसाधारणको दर्शनका लागि खोल्न नपाइने निर्णय गरेको थियो। भोली साउनको पहिलो सोमबार भएकोले शिवालयमा भिडभाड बढ्ने अनुमान गरिएको छ।